தூத்துக்குடி துறைமுக பகுதியில் 6 வழிச்சாலை திட்டத்துக்கு ரூ.200 கோடி ஒதுக்கீடு செய்யப்பட்டுள்ளது என மத்திய மந்திரி நிதின் கட்காரி தெரிவித்தார்.
6 வழிச்சாலை
மத்திய சாலைப் போக்குவரத்து மற்றும் நெடுஞ்சாலைகள் துறை மந்திரி நிதின் கட்காரி நேற்று வெளியிட்ட டுவிட்டர் பதிவில் கூறியிருப்பதாவது:-
புதிய தேசிய நெடுஞ்சாலை 138-ல் தூத்துக்குடி துறைமுகப் பகுதியில் போக்குவரத்தை மேம்படுத்த 5.16 கி.மீ. தூரத்துக்கு 6 வழிச்சாலை அமைக்க முடிவு செய்யப்பட்டது. இதற்காக தற்போது ரூ.200 கோடியே 30 லட்சம் ஒதுக்கீடு செய்யப்பட்டுள்ளது.
இவ்வாறு அவர் தெரிவித்துள்ளார்.
அமெரிக்காவுக்கு இணையாக...
மேலும் செய்தி நிறுவனத்துக்கு கட்காரி அளித்த பேட்டியில் கூறியதாவது:-
‘வருகிற 2024-ம் ஆண்டுக்குள், அமெரிக்காவுக்கு இணையாக இந்தியாவில் நெடுஞ்சாலைகள் அமைந்திருக்கும். அதற்காக ஒரு குறிப்பிட்ட காலக்கெடுவை நிர்ணயித்து பணிகள் துரிதமாக நடைபெறுகின்றன. அதில் நாடு முழுவதிலும் குறுக்கிலும் நெடுக்கிலும் நடக்கும் பசுமை விரைவுவழிச் சாலைப் பணிகளும் அடக்கம்.
ரெயில்வே மேம்பாலங்கள்
இந்த ஆண்டில் ரூ.16 ஆயிரம் கோடி செலவில் ரெயில்வே மேம்பாலங்கள் அமைக்கப்பட்டு வருகின்றன. அதற்கான நிதி ஒதுக்கீடு அடுத்த 5 ஆண்டுகளில் ரூ.50 ஆயிரம் கோடியாக அதிகரிக்கப்படும்.
கைலாச மானசரோவர் நெடுஞ்சாலை திட்டப்பணிகள் 93 சதவீதம் நிறைவடைந்து விட்டன.
35 ஆயிரம் கி.மீ. தேசிய நெடுஞ்சாலை
இந்த நெடுஞ்சாலைப் பணி முடிவடையும்போது, கைலாச மானசரோவர் யாத்திரை செல்லும் பக்தர்கள் கடுமையாக மலையேற்றம் செய்ய வேண்டியிருக்காது. யாத்திரை காலமும் பல நாட்கள் குறையும்.
நாட்டின் மிகப் பெரிய உள்கட்டமைப்பு திட்டமான ‘பாரத்மாலா பரியோஜனா’வில் 580 மாவட்டங்களை இணைத்து சுமார் 35 ஆயிரம் கி.மீ. தேசிய நெடுஞ்சாலை அமைக்க திட்டமிடப்பட்டுள்ளது.
‘பாரத்மாலா’ 2-வது கட்டம்
பாரத்மாலா 2-வது கட்ட தொடக்கத்தில், சுமார் 5 ஆயிரம் கி.மீ. நெடுஞ்சாலை அமைக்க முடிவு செய்யப்பட்டுள்ளது.
பாரத்மாலா 2-வது கட்டத்துக்கு மத்திய மந்திரிசபை விரைவில் ஒப்புதல் அளிக்கும். அப்போது, நாட்டில் நெடுஞ்சாலைப் பணிகள் மேலும் வேகம் பெறும்.’
இவ்வாறு அவர் கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.