வடகாடு பகுதியில் வெறி நாய்கள் கடித்து 3 ஆடுகள் செத்தன. நடவடிக்கை எடுக்க பொதுமக்கள் கோரிக்கை விடுத்துள்ளனர்.
3 ஆடுகள் செத்தன
வடகாடு அருகே உள்ள கீழாத்தூர் பகுதியில் கடந்த 2 வாரங்களுக்கு முன்பாக, வெறி நாய்கள் கடித்து 3 பேர் ஆலங்குடி அரசு மருத்துவமனையில் சிகிச்சை பெற்று சென்றனர். அதற்கு மறுநாளே வடகாடு வடக்குப்பட்டியில் அண்ணாதுரை என்பவரது 5 ஆடுகளை வெறி நாய்கள் கடித்து செத்தன. நேற்று மதிய வேளையில் வடகாடு பாப்பாமனையை சேர்ந்த லட்சுமணன் என்பவரது 3 ஆடுகளையும் வெறி நாய்கள் கடித்ததில் செத்தது. இதனால் அப்பகுதி பொதுமக்கள் விரக்தி அடைந்த நிலையில் இருந்து வருகின்றனர்.
மேலும் இப்பகுதிகளில் கடந்த சில தினங்களாக ஊராட்சி மூலமாக தெரு நாய்கள் பிடிக்கும் பணிகளும் நடந்து வந்தன. நாய் பிடிக்கும் பணியில் ஈடுபடும் பணியாளர்கள் குடியிருப்பு பகுதிகளில் உள்ள வீட்டில் வளர்க்கும் நாய்களை பிடித்து செல்வதாகவும், தெரு நாய்கள் இவர்களை கண்டவுடன் வெகு தூரம் சென்று விடுவதாகவும் அப்பகுதி மக்கள் குற்றச்சாட்டை முன்வைத்து வருகின்றனர்.
கோரிக்கை
இதுகுறித்து அப்பகுதி பொதுமக்கள் கூறுகையில், இறைச்சி கழிவுகளை அருகேயுள்ள அம்மன்குளம் பகுதிகளில் கொண்டு சென்று ஒரு சிலர் கொட்டி வருகின்றனர். அதனை சாப்பிட்டு ருசி கண்ட நாய்கள் ஒன்று சேர்ந்து குடியிருப்பு பகுதிகளில் வந்து ஆடு, மாடுகள் மற்றும் சில நேரங்களில் மனிதர்களையும் கடித்து வருவதாகவும் கூறப்படுகிறது. மேலும் இறைச்சி கழிவுகள் மற்றும் மொய் விருந்து முடிந்தவுடன் சாப்பிட்ட இலைகள் ஆகியவற்றை குழிதோண்டி மூடாமல் அப்படியே வீசி வருவதும் ஒரு காரணமாக உள்ளது. மேலும் வெறி நாய்கள் கடித்து பலியான ஆடுகளுக்கு உரிய இழப்பீடு வழங்க வேண்டும். இனிமேல் இதுபோன்ற சம்பவங்கள் நடைபெறாமல் இருக்க உரிய நடவடிக்கை எடுக்க வேண்டும் என்று இப்பகுதி பொதுமக்கள் கோரிக்கை விடுத்துள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.