மேல்மருவத்தூர் அருகே லாரி மீது பஸ் உரசியதில் படிக்கட்டில் தொங்கியபடி பயணம் செய்த 4 கல்லூரி மாணவர்கள் பலியானார்கள்.
கல்லூரி மாணவர்கள்
செங்கல்பட்டு மாவட்டம் சோத்துப்பாக்கம் அடுத்த ராமாபுரம் பகுதியை சேர்ந்தவர் முருகேசன். இவரது மகன் கமலேஷ் (வயது 22). பி.காம் 2-ம் ஆண்டு படித்து வந்தார். மோகல்வாடி கிராமத்தை சேர்ந்தவர் சிவகுமார். இவரது மகன் மோனிஷ் (21). இவர் பி.பி.ஏ. படித்து வந்தார். கொவளை கிராமத்தை சேர்ந்தவர் முனியப்பன். இவரது மகன் தனுஷ் (23). பி.எஸ்.சி. படித்து வந்தார்.
மோகல்வாடி கிராமத்தை சேர்ந்தவர் குணசேகரன். இவரது மகன் ரவிச்சந்திரன் (20). இவர்கள் அனைவரும் மதுராந்தகத்தில் உள்ள தனியார் கலை மற்றும் அறிவியல் கல்லூரியில் படித்து வந்தனர்.
படிக்கட்டில் நின்றபடி பயணம்
இவர்கள் தினமும் தனியார் பஸ் மூலமாக கல்லூரிக்கு சென்று வருவது வழக்கம். நேற்று காலை கல்லூரி செல்வதற்காக திண்டிவனத்தில் இருந்து மதுராந்தகம் நோக்கி சென்ற தனியார் பஸ்சில் ஏறினர். பஸ்சில் கூட்டம் அதிகமாக இருந்ததால் படிக்கட்டில் நின்றபடி அவர்கள் பயணம் செய்தனர். அந்த பஸ் மேல்மருவத்தூர் அடுத்த சிறுநாகலூர் என்ற இடத்தில் சென்றபோது சாலையோரம் நின்று கொண்டிருந்த கன்டெய்னர் லாரி மீது உரசியது.
சாவு
இதில் கமலேஷ், சிவகுமார், மோனிஷ் ஆகியோர் படுகாயம் அடைந்து சம்பவ இடத்திலேயே பலியானார்கள். படுகாயம் அடைந்த ரவிச்சந்திரனை மீட்டு சிகிச்சைக்காக மதுராந்தகம் அரசு ஆஸ்பத்திரிக்கு அனுப்பி வைத்தனர். அங்கு அவர் சிகிச்சை பலனின்றி இறந்தார்.
இது குறித்து தகவல் அறிந்ததும் மேல்மருவத்தூர் போலீஸ் இன்ஸ்பெக்டர் ஏழுமலை சம்பவ இடத்திற்கு விரைந்து சென்று விபத்தில் பலியான மாணவர்களின் உடல்களை மீட்டு மதுராந்தகம் அரசு ஆஸ்பத்திரிக்கு அனுப்பி வைத்தனர்.
இது குறித்து மேல்மருவத்தூர் போலீசார் வழக்குப்பதிவு செய்து பஸ் டிரைவரிடம் விசாரித்து வருகின்றனர். பஸ் படிக்கட்டில் தொங்கியபடி சென்ற கல்லூரி மாணவர்கள் பலியான சம்பவம் பெரும் சோகத்தை ஏற்படுத்தி உள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.