புதுக்கோட்டை மாவட்டத்தில் உள்ள 1,681 வாக்குச்சாவடி மையங்களில் வாக்காளர் பட்டியலில் பெயர் சேர்க்க சிறப்பு முகாம்கள் 27, 28ந்தேதிகளில் நடக்கிறது.
வரைவு வாக்காளர் பட்டியல்
இந்திய தேர்தல் ஆணையத்தின் உத்தரவின்படி, புதுக்கோட்டை மாவட்டத்தில் 1.1.2026ம் தேதியினை தகுதியான நாளாக கொண்டு வாக்காளர் பட்டியல் சிறப்பு தீவிர திருத்தத்தின் வரைவு வாக்காளர் பட்டியலை மாவட்ட கலெக்டர் அலுவலகத்தில் அனைத்து அங்கீகரிக்கப்பட்ட அரசியல் கட்சியினர் முன்னிலையில், மாவட்ட தேர்தல் அலுவலரும், மாவட்ட கலெக்டருமான அருணா கடந்த 19ந் தேதி வெளியிட்டார். இதனைத்தொடர்ந்து, 1.1.2026ம் தேதியை தகுதியேற்படுத்தும் நாளாக கொண்டு, சிறப்பு தீவிர திருத்தம், 2026ன் சிறப்பு முகாம்கள் 27 மற்றும் 28ந்தேதிகளிலும் (சனிக்கிழமை மற்றும் ஞாயிற்றுக்கிழமை), ஜனவரி 3 மற்றும் 4ந் தேதிகளிலும் (சனி மற்றும் ஞாயிறு) சிறப்பு முகாம்கள் காலை 9 மணி முதல் மாலை 5 மணி வரை புதுக்கோட்டை மாவட்டத்திலுள்ள 6 சட்டமன்ற தொகுதிகளில் அமைந்துள்ள 1,681 வாக்குச்சாவடி மையங்களிலும் சிறப்பு முகாம்கள் நடைபெறுகிறது.
இந்த முகாமில் வாக்காளர் பட்டியலில் இடம்பெற்று, சிறப்பு தீவிர திருத்த வரைவு வாக்காளர் பட்டியலில் இடம் பெறாத கண்டறிய இயலாத, குடிபெயர்ந்த வாக்காளர்கள் தங்களது பெயரை வாக்காளர் பட்டியலில் சேர்க்க படிவம் 6ஐ பரிந்துரைக்கப்பட்ட உறுதிமொழி படிவத்துடன் சேர்த்து விண்ணப்பம் செய்யலாம்.
பெயர் சேர்க்க படிவம்
மேலும், 18 வயது பூர்த்தி அடைந்தவர்கள் 31.12.2007 அன்றோ அல்லது அதற்கு முன்பு பிறந்தவர்கள் மற்றும் வரைவு வாக்காளர் பட்டியலில் பெயர் இல்லாதவர்கள் புதியதாக வாக்காளர் பட்டியலில் பெயர் சேர்க்க படிவம் 6ம், நீக்கம் செய்ய படிவம் 7ம், திருத்தம் மற்றும் இடமாற்றம் செய்ய படிவம் 8ம், அதற்குரிய சான்றுகளுடன் விண்ணப்பிக்கலாம். தேவையான படிவங்கள் அந்தந்த பகுதிகளிலுள்ள வாக்குச்சாவடி மையங்களிலும், ஆர்.டி.ஓ. அலுவலகங்களிலும், தாசில்தார் அலுவலகங்களிலும், மாநகராட்சி அலுவலகம் மற்றும் நகராட்சி அலுவலகங்களிலும் அடுத்த மாதம் 18ந்தேதி முடிய அனைத்து அலுவலக வேலை நாட்களிலும் பெற நடவடிக்கை எடுக்கப்பட்டுள்ளது.
மேலும், இந்திய தேர்தல் ஆணையத்தின் ECINET செயலி அல்லது வாக்காளர் சேவை இணையதளம் Voters.eci.gov.in மூலமாகவும் விண்ணப்பம் செய்யலாம். இந்த சிறப்பு தீவிர திருத்தம், 2026 தொடர்பாக நடைபெறும் சிறப்பு முகாம்களில் வாக்காளர் பட்டியலில் பெயர் சேர்த்தல், திருத்தம் மற்றும் நீக்குதல் போன்ற பணிகளை வாக்காளர்கள் பயன்படுத்திக் கொள்ளலாம் என்று மாவட்ட தேர்தல் அலுவலர் அருணா தெரிவித்துள்ளார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.