நில அபகரிப்புப் புகார்
மணமேல்குடி தாலுகா, மஞ்சக்குடி கிராமத்தைச் சேர்ந்த அறிவுக்கரசன் என்பவருக்குச் சொந்தமான பட்டா இடத்தை, வேறொரு நபர் சட்டவிரோதமாக அபகரித்துக் கொண்டதாகக் கூறப்படுகிறது. இதுகுறித்து உரிய நடவடிக்கை எடுக்கக் கோரி புகார் அளிக்கப்பட்டிருந்த நிலையில், வருவாய்த்துறையினரும், காவல்துறையினரும் கந்துவட்டி கும்பலுக்கு ஆதரவாகச் செயல்பட்டதாகக் கிராம மக்கள் குற்றம் சாட்டுகின்றனர்.
உரிமையாளர் கைது - மக்கள் கொதிப்பு
இந்நிலையில், பாதிக்கப்பட்ட நில உரிமையாளரான அறிவுக்கரசனை காவல்துறையினர் கைது செய்தனர். அதனை கண்டித்து சமாஜ்வாதி கட்சியின் நிர்வாகிகள் மற்றும் மஞ்சக்குடி கிராம மக்கள் ஒன்றிணைந்து, கோட்டைப்பட்டினம் கடைவீதி அருகே கிழக்கு கடற்கரை சாலையில் திரண்டனர்.
அரை மணி நேரம் மறியல்
அதிகாரிகளின் ஒருதலைப்பட்சமான போக்கைக் கண்டித்து, அவர்கள் சாலை மறியல் போராட்டத்தில் ஈடுபட்டனர். இதனால், கிழக்கு கடற்கரைச் சாலையில் இருபுறமும் வாகனங்கள் நீண்ட தூரத்திற்கு அணிவகுத்து நின்றன. சுமார் அரை மணி நேரத்திற்கும் மேலாகப் போக்குவரத்து முற்றிலும் ஸ்தம்பித்தது.
போலீசார் கைது நடவடிக்கை
இதுகுறித்துத் தகவலறிந்த கோட்டைப்பட்டினம் காவல் கண்காணிப்பாளர் (DSP) வெங்கடேஷ் தலைமையிலான போலீசார், சம்பவ இடத்திற்கு விரைந்து வந்து மறியலில் ஈடுபட்டவர்களுடன் பேச்சுவார்த்தை நடத்தினர். எனினும், கலைந்து செல்ல மறுத்த போராட்டக்காரர்களைப் போலீசார் கைது செய்து, அங்குள்ள ஒரு தனியார் திருமண மண்டபத்தில் அடைத்தனர்.
கந்துவட்டி ஆதிக்கவாதிகளுக்கு ஆதரவாகப் போலீசார் செயல்படுவதாகக் கூறி நடத்தப்பட்ட இந்த திடீர் சாலை மறியல் போராட்டத்தால், கோட்டைப்பட்டினம் பகுதியில் பெரும் பரபரப்பு நிலவியது.
செய்தியாளர்: மாரிமுத்து, அறந்தாங்கி
எங்களுடன் இணைந்திருங்கள்
எங்களுடைய செய்திகளை உடனுக்குடன் தெரிந்து கொள்ள பின்தொடருங்கள்:
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.