அடுத்த ஆண்டு தமிழகம் உள்ளிட்ட 5 மாநிலங்களில் நடைபெறவுள்ள சட்டப்பேரவைத் தேர்தலில் வெளிநாடுவாழ் இந்தியர்களை தபாலில் வாக்களிக்க அனுமதிக்கலாம் என தேர்தல் ஆணையம் பரிந்துரை செய்துள்ளது.
கரோனா வைரஸ் பாதிப்புக்கு நடுவே, கடந்த அக்டோபர், நவம்பர்மாதங்களில் பிஹார் சட்டப்பேரவைத் தேர்தல் 3 கட்டங்களாக வெற்றிகரமாக நடத்தப்பட்டது.
இதே நடைமுறையில் தமிழகம், புதுச்சேரி, கேரளா, மேற்குவங்கம், அசாம் மாநிலங்களில் அடுத்த ஆண்டு சட்டப்பேரவைத் தேர்தலை நடத்த தலைமைத் தேர்தல் ஆணையம் திட்டமிட்டுள்ளது.
இந்நிலையில் 5 மாநிலங்களின் சட்டப்பேரவைத் தேர்தலில் வெளிநாடு வாழ் இந்தியர்கள் தபால் மூலம் (இ.டி.பி.பி) வாக்களிக்க ஏற்பாடுகள் செய்யப்பட்டு வருவதாக தகவல் வெளியாகி உள்ளது.
இதுதொடர்பாக தலைமைத் தேர்தல் ஆணையம் சார்பில் மத்திய சட்ட அமைச்சகத்துக்கு கடிதம் அனுப்பப்பட்டுள்ளது. அதில்,"வெளிநாடுவாழ் இந்தியர்களை தபால் மூலம் வாக்களிக்கசெய்வதற்கு தொழில்நுட்ப ரீதியாகவும் நிர்வாகரீதியாகவும் தேர்தல் ஆணையம் தயாராக உள்ளது" என்று தெரிவிக்கப்பட்டிருக்கிறது.
இ.டி.பி.பி. என்றழைக்கப்படும் தபால் வாக்கை பதிவு செய்ய வெளிநாடுவாழ் இந்தியர்கள், அவர்கள் வசிக்கும் நாடுகளின் இந்திய தூதரகத்தை அணுக வேண்டும். குறிப்பாக தேர்தல் அறிவிக்கை வெளியான 5 நாட்களுக்குள் தூதரகத்தை தொடர்பு கொள்ள வேண்டும்.
இந்திய தூதரகத்தின் பரிந்துரையின்பேரில் வெளிநாடுவாழ் இந்தியரின் சொந்த ஊரை சேர்ந்த தேர்தல் அதிகாரி அவருக்கு இ-மெயில் வாயிலாக வாக்குச் சீட்டை அனுப்பி வைப்பார். அந்த வாக்குச் சீட்டை பதிவிறக்கம் செய்து வாக்கை பதிவு செய்யவேண்டும். இந்திய தூதரகத்தின் சான்றுடன் தபால் வாக்கு இந்தியாவுக்கு அனுப்பி வைக்கப்படும்.
சம்பந்தப்பட்ட மாநிலங்களின் தலைமை தேர்தல் அதிகாரிக்கு தபால் வாக்கு வந்து சேரும். அதன்பிறகு சம்பந்தப்பட்ட தேர்தல் அதிகாரிக்கு தபால் வாக்கு அனுப்பி வைக்கப்படும்.
கேரளாவை சேர்ந்த சுமார் 25 லட்சத்துக்கும் மேற்பட்டோர் வெளிநாடுகளில் பணியாற்றி வருகின்றனர். வெளிநாடுகளில் இருந்து அவர்கள் வாக்களிக்க அனுமதிக்கக் கோரி கடந்த 2014-ம் ஆண்டில் உச்ச நீதிமன்றத்தில் பொதுநல வழக்கு தொடரப்பட்டது. இந்த வழக்கில் ஆஜரான மத்திய அரசின் அட்டர்னி ஜெனரல் வேணுகோபால், "வெளிநாடுவாழ் இந்தியர்கள் வாக்களிக்க ஏதுவாக புதிய சட்டம் இயற்றப்படும்" என்று உறுதி அளித்தார்.
இதுகுறித்து மத்திய அரசு சார்பில் ஏற்கெனவே அனைத்து கட்சிகூட்டம் நடத்தப்பட்டது. இதில் தேசியவாத காங்கிரஸ் கட்சி மட்டுமே வெளிநாடுவாழ் இந்தியர்களின் வாக்குரிமைக்கு முழு ஆதரவுஅளித்தது. பாஜக, காங்கிரஸ், கம்யூனிஸ்ட் உள்ளிட்ட கட்சிகள் பல்வேறு சந்தேகங்களை எழுப்பின.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.