மணப்பாறையில், தகனம் செய்ய இறந்த தாயின் உடலை சக்கர நாற்காலியில் மயானத்திற்கு மகன் கொண்டு வந்த சம்பவம் மனதை உருக்குவதாக இருந்தது.
திருச்சி மாவட்டம், மணப்பாறை பாரதியார் நகர் பகுதியை சேர்ந்தவர் பெரியசாமி(வயது 90). இவரது மனைவி ராஜேஸ்வரி(74). இவர்கள், தங்களது மகன் முருகானந்தத்துடன்(60) வசித்து வந்தனர். முருகானந்தம் எலெக்ட்ரீசியனாக வேலை பார்த்து வருகிறார். இவருக்கு திருமணமான சில மாதங்களிலேயே, அவரது மனைவி அவரை பிரிந்து சென்றுவிட்டார். இதையடுத்து அவர் பெற்றோருடன் வசித்து வந்தார்.
இந்நிலையில் கடந்த 4 ஆண்டுகளுக்கு முன் ராஜேஸ்வரிக்கு உடல் நலம் பாதிக்கப்பட்டதால், அவரை முருகானந்தம் கவனித்து வந்தார். மேலும் ராஜேஸ்வரியின் உடலில் அரிப்பு போன்று ஏற்பட்டதையடுத்து, அவரை முருகானந்தம் மருத்துவமனைக்கு அழைத்து சென்று சிகிச்சை அளிக்க செய்துள்ளார். இந்நிலையில் நேற்று அதிகாலை ராஜேஸ்வரி இறந்துவிட்டார்.
சக்கர நாற்காலியில் கொண்டு வந்தார்
வறுமை ஒருபுறம், அறியாமை மறுபுறம் என்பதால் என்ன செய்வதென்று தெரியாமல் முருகானந்தம் தவித்துள்ளார். பின்னர் அக்கம், பக்கத்தில் உள்ளவர்களிடம் கூட எதுவும் சொல்லாமல், தனது தாயின் உடலை ஒரு சக்கர நாற்காலியில் அமர்ந்திருப்பது போல் வைத்து கட்டி, சுமார் 2½ கிலோ மீட்டர் தூரம் உள்ள மணப்பாறை நகராட்சியின் எரிவாயு தகன மேடை அமைந்துள்ள செவலூர் பிரிவு சாலைக்கு நேற்று அதிகாலையில் விடிவதற்குள்ளாகவே எடுத்து சென்றுள்ளார். பின்னர் முருகானந்தம், தனது தாயின் உடலை தகனம் செய்வதற்காக எரிவாயு தகன மேடை பராமரிப்பாளரான ஸ்ரீதரனுக்கு தகவல் கொடுத்துள்ளார்.
உடல் தகனம்
இதையடுத்து அங்கு வந்த ஸ்ரீதரன் மற்றும் மயானத்தின் அருகே உள்ளவர்கள் பார்த்தபோது இறந்த மூதாட்டியின் உடல் சக்கர நாற்காலியில் அங்கு கொண்டு வரப்பட்டிருந்ததை கண்டு அதிர்ச்சி அடைந்தனர். மேலும், இறந்தவர்கள் உடலை மயானத்திற்கு கொண்டு வர அரசின் பல்வேறு உதவிகள் உள்ள நிலையில் ஏன் இதுபோன்று சக்கர நாற்காலியில் உடலை கொண்டு வந்தீர்கள் என்று ஸ்ரீதரன் கேட்டபோது, தெரியாமல் இதுபோன்று செய்து விட்டேன் என்று கூறியுள்ளார். பின்னர் எரிவாயு தகன மேடை பணியாளர் உடலை பெற்றுக்கொண்டு, முறைப்படி இறுதி சடங்குகள் செய்து ராஜேஸ்வரியின் உடலை தகனம் செய்தார்.
அறியாமை மற்றும் வறுமையால் நிகழ்ந்த இந்த சம்பவம் அப்பகுதி மக்களின் உள்ளத்தை உருக்குவதாக இருந்தது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.