ராமநாதபுரம் மாவட்டம் தேவிபட்டினம் அருகே உள்ள கலையனூரைச் சேர்ந்தவர், சவுந்தர்ராஜன். வெல்டிங் பட்டறை நடத்தி வருகிறார். இவருடைய மகன் நீதிராஜன் (வயது 23). தந்தையின் பட்டறையில் வேலை பார்த்து வந்தார்.
நேற்று முன்தினம் இரவு வேலை முடிந்து மோட்டார் சைக்கிளில் நீதிராஜன் வீட்டிற்கு வந்து கொண்டிருந்தார். தேவிபட்டினம் அருகே பெருவயல் ஆர்ச் பகுதியில் வந்தபோது, அந்த வழியாக ராமேசுவரத்தில் இருந்து புதுக்கோட்டை மாவட்டம் ெசல்வதற்காக ஒரு கார் வந்தது. எதிர்பாராதவிதமாக நீதிராஜன் ஓட்டி வந்த மோட்டார் சைக்கிளும், அந்த காரும் பயங்கரமாக மோதிக்கொண்டன.
பின்னர் அந்த கார் கட்டுப்பாட்டை இழந்து சாலையோரம் வயலுக்குள் பாய்ந்தது.
அதே நேரத்தில் மோட்டார் சைக்கிளுடள் நீதிராஜன் தூக்கி வீசப்பட்டார். அந்த மோட்டார் சைக்கிளானது, அந்த நேரத்தில் அங்கு ரோட்டில் நடந்து சென்று கொண்டிருந்த கலையனூரை சேர்ந்த கருணாநிதி (30), ஸ்ரீதர் (32) ஆகியோர் மீது விழுந்ததில் அவர்கள் 2 பேர் படுகாயம் அடைந்தனர்.
கண் இமைக்கும் நேரத்தில் நடந்த இந்த விபத்தில் மோட்டார் சைக்கிளில் வந்த நீதிராஜன், காரில் இருந்த பாலாஜி ஆகிய இருவரும் சம்பவ இடத்திலேயே பலியானார்கள்.
மேலும் காரின் டிரைவர் வெங்கட்ராமன் (20), அதில் இருந்த பிரவீன்குமார் (19), கார்த்திக் ராஜா (18), அர்ஜூனன் (18) ஆகிய 4 பேரும் படுகாயம் அடைந்து உயிருக்கு போராடினர்.
இந்த விபத்து குறித்து தகவல் அறிந்ததும் தேவிபட்டினம் போலீசார் சம்பவ இடத்திற்கு விரைந்து வந்து மீட்பு பணியில் ஈடுபட்டனர்.
த,மு,மு.க. சார்பில் அனுப்பி வைத்த ஆம்புலன்ஸ் மூலம் ராமநாதபுரம் அரசு மருத்துவமனைக்கு காயம் அடைந்த 6 பேரும் கொண்டு செல்லப்பட்டனர். ஆனால், சிகிச்சை பலனின்றி அர்ஜூனன் பரிதாபமாக இறந்தார். இதனால் விபத்தில் பலியானோர் எண்ணிக்கை 3 ஆனது.
இதுகுறித்து போலீசார் கூறும்போது, காரில் மொத்தம் 5 பேர் வந்துள்ளனர். அவர்களில் டிரைவர் வெங்கட்ராமனுக்கு புதுக்கோட்டை மாவட்டம் கருப்புகொடிபட்டி சொந்த ஊராகும். மற்ற 4 பேரும் பொன்னமராவதி வி.நல்லூர் பகுதியைச் சேர்ந்தவர்கள். இவர்கள் 5 பேரும் உறவினர்கள். ராமேசுவரத்திற்கு சுற்றுலா வந்த அவர்கள் ஊருக்கு திரும்பி சென்ற போது இந்த விபத்து ஏற்பட்டுள்ளது” என்று தெரிவித்தனர். இந்த சம்பவம் அந்த பகுதியில் சோகத்தை ஏற்படுத்தியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.