திருச்சியில் ரயில்வே வளர்ச்சிப் பணிகள் குறித்த ஆலோசனைக் கூட்டம் நடைபெற்றது. இந்த கூட்டத்தில் பயணிகளுக்கான வசதிகளை மேம்படுத்த எம்.பி.க்கள் வலியுறுத்தினார்கள்.
ஆலோசனைக் கூட்டம்
தெற்கு ரயில்வே சார்பில், திருச்சி ரயில்வே கோட்டத்துக்குட்பட்ட மாவட்ட பகுதிகளைச் சேர்ந்த எம்.பி.களுடன் ரயில்வே துறையில் மேற்கொள்ளப்பட்டு வரும் வளர்ச்சிப் பணிகள் குறித்த வருடாந்திர ஆலோசனைக் கூட்டம் நேற்று நடைபெற்றது.
தெற்கு ரயில்வே பொது மேலாளர் ஆர்.என். சிங் தலைமை தாங்கினார். எம்.பி.க்கள் திருநாவுக்கரசர் (திருச்சி), எஸ்.எஸ். பழனிமாணிக்கம் (தஞ்சை), கார்த்தி சிதம்பரம் (சிவகங்கை), தொல். திருமாவளவன் (சிதம்பரம்) மற்றும் திருச்சி ரயில்வே கோட்ட மேலாளர் மணீஷ் அகர்வால், தெற்கு ரயில்வேயின் பல்வேறு துறைகளின் அலுவலர்கள் பலரும் பங்கேற்றனர்.
பயணிகள் வசதிகள்
கூட்டத்தில் தெற்கு ரயில்வேயின் பொது மேலாளர் ஆர்.என். சிங் தெற்கு ரயில்வேயின் செயல்பாடுகள், சாதனைகள் மற்றும் பயணிகளின் வசதிகளை மேம்படுத்துவதற்காக மேற்கொண்டு வரும் நடவடிக்கைகள் குறித்தும், திருச்சி கோட்டத்தில் நடைபெற்றுள்ள பணிகள் குறித்தும் முன்மொழியப்பட்ட பணிகள் குறித்தும் விவரித்தார்.
புதுச்சேரி மற்றும் கும்பகோணம் ரயில் நிலையங்கள் மறுசீரமைப்பு செய்ய திட்டமிடப்பட்டுள்ளது. மேலும், திருச்சி கோட்டத்தில் தஞ்சாவூர், மயிலாடுதுறை, விழுப்புரம், அரியலூர், லால்குடி, சிதம்பரம், காரைக்கால், ஸ்ரீரங்கம், மன்னார்குடி உள்ளிட்ட 15 ரயில் நிலையங்கள் அமிர்த் பாரத் ஸ்டேஷன் திட்டத்தின் கீழ் உருவாக்கப்பட உள்ளது என்றார்.
விரைந்து முடிக்க வலியுறுத்தல்
கூட்டத்தில் புதிய ரயில்கள் அறிமுகம், ஏற்கனவே உள்ள ரயில்களில் கூடுதல் நிறுத்தங்கள், புதிய ரயில் பாதைகள் மற்றும் அவற்றின் முன்னேற்றம், தற்போதுள்ள ரயில் சேவைகளின் விரிவாக்கம், ரயில் நிலைய மேம்பாட்டு பணிகள், இரட்டிப்பு மற்றும் மின்மயமாக்கல் பணிகள், கட்டுமானம், ரயில்வே பாலங்களுக்கு அடியில் சாலைகள் அமைத்தல் மற்றும் ரயில் நிலையங்களில் பயணிகளுக்கு மேம்படுத்தப்பட்ட வசதிகளை வழங்குதல், ரயில்வே திட்டங்களுக்கு நிலம் கையகப்படுத்துதல், ரயில்வே திட்டங்களை விரைந்து முடித்தல் உள்ளிட்ட திருச்சி கோட்டத்தில் ரயில்வே சேவைகளை மேம்படுத்துதல் தொடர்பான பல்வேறு அம்சங்கள் குறித்து எம்.பி.க்கள் ஆலோசனை வழங்கினர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.