முன்னதாக, அறந்தாங்கி சட்டமன்ற தொகுதி, ஆவுடையார்கோவில் ஒன்றியம், நாட்டாணிபுரசக்குடி ஊராட்சி, மீமிசல் அருகே உள்ள கோபாலப்பட்டிணத்தில் கடந்த ஏப்ரல் 23-ஆம் தேதி (வியாழக்கிழமை) காலை 7.00 மணி முதல் மாலை 7.00 மணி வரை வாக்குப்பதிவு அமைதியான முறையில், பொதுமக்கள் ஆர்வத்துடன் பங்கெடுக்க விறுவிறுப்பாக நடைபெற்றது.
வாக்காளர்கள் விபரம்: கோபாலப்பட்டிணத்தில் மொத்தம் 3,908 வாக்காளர்கள் உள்ளனர். இதில் ஆண்கள் 1,964 பேரும், பெண்கள் 1,944 பேரும் அடங்குவர்.
கோபாலப்பட்டிணத்தில் பதிவான வாக்குகள்: நடந்து முடிந்த இந்தத் தேர்தலில் இக்கிராமத்தில் மொத்தம் 2,860 வாக்குகள் பதிவாகின. இதில் ஆண்களை விட பெண்களே அதிகளவில் தங்களது ஜனநாயகக் கடமையை ஆற்றினர். ஆண்கள் 1,187 பேரும், பெண்கள் 1,673 பேரும் தங்களது வாக்குகளைப் பதிவு செய்திருந்தனர்.
அறந்தாங்கி சட்டப்பேரவைத் தொகுதியில் காங்கிரஸ் சாா்பில் போட்டியிட்ட ராமச்சந்திரன் 2262 வாக்குகள் பெற்று முதல் இடத்தையும், தமிழக வெற்றிக் கழகம் சாா்பில் போட்டியிட்ட முகமது பர்வேஸ் 458 வாக்குகள் பெற்று இரண்டாம் இடத்தையும், நாம் தமிழர் கட்சி சார்பில் போட்டியிட்ட முத்துலெட்சுமி 98 வாக்குகள் பெற்று மூன்றாம் இடத்தையும், பாஜக சார்பில் போட்டியிட்ட கவிதா ஸ்ரீகாந்த் 18 வாக்குகள் பெற்று நான்காம் இடத்தையும், தமிழக வாழ்வுரிமை கட்சி கட்சி சார்பில் போட்டியிட்ட நஜிம் கான் 9 வாக்குகள் பெற்று ஐந்தாம் இடத்தையும் பெற்றனர்.
கோபாலப்பட்டிணம் வாக்குச் சாவடியில் வேட்பாளர்கள் பெற்ற வாக்கு விவரம்:
நேற்று நடைபெற்ற வாக்கு எண்ணிக்கையின் முடிவில், கோபாலப்பட்டிணம் பூத் பகுதியில் வேட்பாளர்கள் பெற்ற வாக்குகளின் அதிகாரப்பூர்வ விபரம் பின்வருமாறு:
தேர்தல் முடிவுகள் (Election Results Table)
| வேட்பாளர் (Candidate) | கட்சி (Party) | பூத்-160 T: 1028 P: 720 |
பூத்-161 T: 999 P: 735 |
பூத்-162 T: 1066 P: 776 |
பூத்-163 T: 815 P: 629 |
மொத்தம் Total Votes |
|---|---|---|---|---|---|---|
| GPM Media முகமது பர்வேஸ்.ஜா | TVK | 155 | 112 | 114 | 77 | 458 |
| GPM Media ராமச்சந்திரன்.தி | INC | 536 | 575 | 621 | 530 | 2262 |
| GPM Media கவிதா ஸ்ரீகாந்த் | BJP | 4 | 8 | 3 | 3 | 18 |
| GPM Media முத்துலெட்சுமி.ச | NTK | 20 | 33 | 30 | 15 | 98 |
| GPM Media நஜிம் கான்.மு | TAVK | 1 | 3 | 4 | 1 | 9 |
| GPM Media அப்துல் ஜப்பார்.ச | IND | 1 | 1 | 0 | 1 | 3 |
| GPM Media அய்யப்பன்.ரா | IND | 0 | 0 | 0 | 0 | 0 |
| GPM Media அருணகிரி.மு | IND | 0 | 1 | 0 | 0 | 1 |
| GPM Media உடையப்பன்.மு | IND | 1 | 0 | 0 | 0 | 1 |
| GPM Media கார்த்திகேயன்.நெ | IND | 0 | 0 | 0 | 0 | 0 |
| GPM Media காளிமுத்து.ப | IND | 0 | 0 | 1 | 0 | 1 |
| GPM Media சாகுல் ஹமீது.நூ | IND | 1 | 0 | 1 | 0 | 2 |
| GPM Media சுந்தர்.அ | IND | 0 | 0 | 1 | 0 | 1 |
| GPM Media தெட்சிணாமூர்த்தி | IND | 0 | 0 | 1 | 1 | 2 |
| GPM Media முருகரெத்தினம்.த | IND | 0 | 0 | 0 | 0 | 0 |
| GPM Media நோட்டா | NOTA | 1 | 2 | 0 | 1 | 4 |
| மொத்தம் (Total Polled) | 720 | 735 | 776 | 629 | 2860 | |
வேட்பாளர்களின் வாக்குச் சதவீத ஒப்பீடு
GPM Media | Election Results Percentages
அறந்தாங்கி தொகுதியை தட்டிப் பறித்தது தவெக: முகமது பர்வேஸ் அபார வெற்றி!
கோபாலப்பட்டிணம் பூத் பகுதியில் காங்கிரஸ் வேட்பாளர் ராமச்சந்திரன் அதிக வாக்குகளைப் பெற்றிருந்தாலும், அறந்தாங்கி தொகுதி முழுமைக்குமான ஒட்டுமொத்த தேர்தல் முடிவில் தமிழக வெற்றிக் கழகம் (தவெக) வரலாற்றுச் சிறப்புமிக்க தனது முதல் தேர்தலிலேயே அபார வெற்றியைப் பதிவு செய்து அத்தொகுதியைக் கைப்பற்றியுள்ளது.
இத்தொகுதியில் போட்டியிட்ட தவெக வேட்பாளர் ஜே.முகமது பர்வேஸ், காங்கிரஸ் கட்சியின் அனுபவமிக்க மூத்த வேட்பாளரான டி. ராமச்சந்திரனைத் தோற்கடித்து புதிய வரலாறு படைத்துள்ளார்.
ஒட்டுமொத்த தொகுதி வாக்கு விபரம்
அறந்தாங்கி தொகுதியில் உள்ள மொத்தம் 2,29,792 வாக்காளர்களில், ஏப்ரல் 23 அன்று நடைபெற்ற தேர்தலில் மொத்தம் 1,81,018 (78.77%) வாக்குகள் பதிவாகியிருந்தன. இதில் ஆண்கள் 83,109 பேரும், பெண்கள் 97,908 பேரும், இதர வாக்காளர் ஒருவரும் வாக்களித்திருந்தனர்.
வெற்றி விளிம்பு
புதுக்கோட்டை மகளிர் கல்லூரியில் மொத்தம் 23 சுற்றுகளாக வாக்கு எண்ணிக்கை நடைபெற்றது. ஆரம்பச் சுற்றிலிருந்தே முன்னிலை வகித்து வந்த தவெக வேட்பாளர் முகமது பர்வேஸ், இறுதிச் சுற்றின் முடிவில் காங்கிரஸ் வேட்பாளரை விட 10,062 வாக்குகள் கூடுதலாகப் பெற்று வெற்றி வாகை சூடினார்.
எங்களுடன் இணைந்திருங்கள்
எங்களுடைய செய்திகளை உடனுக்குடன் தெரிந்து கொள்ள பின்தொடருங்கள்:
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.