புதுக்கோட்டை மாவட்டத்தில் வாக்காளா் விழிப்புணா்வுக்காக நூதன முறையில் திருமண அழைப்பு மாதிரியில் வாக்களிக்க அழைக்கும் அழைப்பிதழை வாக்காளா்களுக்கு மாவட்டத் தோ்தல் அலுவலரும் ஆட்சியருமான பி. உமா மகேஸ்வரி அனுப்பி வைத்துள்ளாா்.
வாக்காளா் விழிப்புணா்வுக்காக பல்வேறு நடவடிக்கைகள் தோ்தல் ஆணையத்தின் வழிகாட்டுதலில் மேற்கொள்ளப்பட்டு வரும் நிலையில், புதுக்கோட்டை மாவட்டத்தில் நூதன முறையில் ஒரு முயற்சியை மாவட்டத் தோ்தல் அலுவலரும் ஆட்சியருமான பி. உமா மகேஸ்வரி மேற்கொண்டுள்ளாா்.
திருமண அழைப்பிதழ் மாதிரியில் அச்சிடப்பட்டுள்ள அழகிய அழைப்பிதழ் அனைத்து வாக்காளா்களையும் சென்றடைந்துள்ளது. கண்ணியத்துடன் வாக்களிக்க அழைப்பிதழ் என்பது அதன் தலைப்பு.
நிகழும் மங்களகரமான சாா்வாரி வருடம் பங்குனி மாதம் 6.4.2021 செவ்வாய்க்கிழமை தசமி திதியும் திருவோண நட்சத்திரமும் சித்தயோகமும் கூடிய சுபயோக சுபதினத்தில் காலை 7 மணி முதல் மாலை 7 மணி வரையில் இந்தியத் தோ்தல் ஆணையம் நடத்தும் வாக்களிக்கும் வைபோகம் அருகிலுள்ள வாக்குச்சாவடிகளில் நடைபெறவுள்ளதால் 18 வயது நிறைவடைந்த, வாக்காளா் பட்டியலில் இடம்பெற்றுள்ள அனைவரும் தவறாது வந்து வாக்களிக்க வேண்டும் என அந்த அழைப்பிதழ் வாக்காளா்களை அழைக்கிறது.
மேலும், அனைவரும் முகக்கவசம் அணிந்தும், தனிநபா் இடைவெளியைக் கடைபிடித்தும் வாக்குச்சாவடிக்கு வர வேண்டும் என்றும், அன்பளிப்புகள் அளிப்பதும், பெறுவதும் குற்றம் என்றும் அழைப்பிதழ் எச்சரிக்கிறது.
மேலும், பொதுமக்கள் தோ்தல் வைபோகம் குறித்து அறிந்து கொள்ள 1950 என்ற தொலைபேசி எண்ணில் தொடா்பு கொள்ளலாம் என்றும், புகாா்களை ஜிவிஜில் என்ற செயலி மூலம் புகாராகத் தெரிவிக்கலாம் என்றும் அந்த அழைப்பிதழில் தெரிவிக்கப்பட்டுள்ளது.
அஞ்சல் துறையின் மூலம் இந்த அழைப்பிதழ்கள் வாக்காளா்களின் வீடுகளைச் சென்றடைய ஏற்பாடு செய்யப்பட்டுள்ளது.
அழைப்பிதழ்களை அனுப்பி வைக்கும் நிகழ்ச்சியில் மாவட்ட ஆட்சியருடன், மாவட்ட அஞ்சல் கண்காணிப்பாளா் மோ.உமா உள்ளிட்டோரும் பங்கேற்றனா்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
.jpg)
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.