தமிழகத்தில் எந்தெந்த பேருந்துகளில் பெண்களுக்கு இலவசம்?



தமிழகத்தில் இலவசமாக உள்ளூர் பேருந்துகளில் அதாவது டவுன் பஸ்களில் மகளிருக்கு கட்டணமில்லா பயண வசதி அளிக்கப்படும் என்று திமுக தேர்தல் வாக்குறுதியை அளித்திருந்தது. அதன்படி, தமிழக முதல்வராக பொறுப்பேற்றுக்கொண்ட திமுக தலைவர் ஸ்டாலின் நேற்று மே 6 அன்று 5 திட்ட கோப்புகளில் கையெழுத்திட்டார்.

அதில் ஒன்றுதான் மகளிருக்கான இலவச பயண திட்டம். இந்த திட்டம் எதற்காக கொண்டு வரப்பட்டது? எந்தெந்த பேருந்துகளில் இந்த சலுகை மகளிருக்கு கிடைக்கும் என்பதையும் தமிழக அரசு தனது அறிக்கையில் தெளிவாக கூறியுள்ளது. அதுகுறித்து பார்க்கலாம்.

அரசு போக்குவரத்து கழகங்களுக்கு நகரப்பேருந்துகளின் வாயிலாக ஆண்டொன்றுக்கு சுமார் ரூ. 3 ஆயிரம் கோடி அளவிற்கு வருவாய் ஈட்டப்படுவதாகவும், பணி புரியும் மகளிர் / உயர் கல்வி பயிலும் மாணவியர் சுமார் 40 சதவீதம் நகர பேருந்துகளில் பயணம் மேற்கொள்ள வாய்ப்பு உள்ளதனால், நகர பேருந்துகளில் இலவச பயண சலுகை வழங்குவதன் மூலம் அரசு போக்குவரத்து கழகங்களுக்கு ஆண்டொன்றுக்கு சுமார் ரூ.1200 கோடி வருவாய் இழப்பு ஏற்படக்கூடும் என கருதப்படுகிறது.

மேற்கண்ட சூழ்நிலையில், தமிழ்நாட்டில் உள்ள அனைத்து அரசு போக்குவரத்து கழக கட்டுப்பாட்டில் இயங்கும் சாதாரண கட்டண நகர பேருந்துகளில் அதாவது White Board பேருந்துகளில் மட்டும் பணிபுரியும் பெண்கள் மற்றும் உயர் கல்வி பயிலும் மாணவியர் உள்ளிட்ட அனைத்து மகளிரும் கட்டணமில்லாமலும், பேருந்து பயண அட்டை இல்லாமலும் பயணம் மேற்கொள்வதற்கு அனுமதி வழங்கி அரசு ஆணையிடுகிறது.

மேலும், இதன் மூலம் ஆண்டொன்றுக்கு அரசு போக்குவரத்து கழகங்களுக்கு ஏற்பட வாய்ப்புள்ள சுமார் 1200 கோடி இழப்பினை ஈடு செய்யும் பொருட்டு, இழப்பு தொகையினை அரசு போக்குவரத்து கழகங்களுக்கு மானியமாக வழங்கவும் அரசு ஆணையிடுகிறது. இந்த ஆணை நிதித்துறையின் இசைவுடன் வெளியிடப்படுகிறது.

சென்னையில் சாதாரண பேருந்து, டீலக்ஸ் பேருந்து என வெவ்வேறு விதமான பேருந்துகள் ஓடுகின்றன.. இவற்றில் வெள்ளை போர்டு கொண்ட சாதாரண கட்டண பேருந்தில் மட்டுமே பெண்களுக்கு இலவசம். மற்ற பகுதிகளில், நகர பேருந்துகளில் மட்டுமே இலவசமாக பயணம் செய்யலாம்.. தொலைதூர பேருந்துகளில் இலவசம் கிடையாது














எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...



Post a Comment

0 Comments