இந்தியாவில் வேகமாக பரவி வரும் கொரோனா தொற்று காரணமாக சுகாதார பாதுகாப்பு நடவடிக்கைகளுக்காக கடந்த ஏப்ரல் மாதம் முதல் விமான சேவை ரத்து செய்யப்படுவதாக தேசிய சிவில் விமான போக்குவரத்து ஆணையம் அறிவித்திருந்தது. இதில் இந்தியா மட்டுமல்லாமல் பாகிஸ்தான், வங்காளதேசம், நேபாளம் மற்றும் இலங்கை ஆகிய நாடுகளில் இருந்தும் அந்நாடுகளின் விமான நிறுவனங்கள் வருகிற 21-ந் தேதி வரை விமான சேவை அமீரகத்திற்கு ரத்து செய்யப்படுவதாக அறிவித்தன.
இந்த நிலையில் கடந்த சில நாட்களுக்கு முன் துபாயின் எமிரேட்ஸ் விமான நிறுவனம் வருகிற 7-ந் தேதி முதல் இந்தியாவில் இருந்து துபாய்க்கு விமானங்களை இயக்க திட்டமிட்டுள்ளதாக செய்திகள் வெளியானது. இதில் எமிரேட்ஸ் நிறுவனத்தின் இணையதளத்திலும் வருகிற 7-ந் தேதி முதல் இந்தியாவில் இருந்து துபாய் வருவதற்கான டிக்கெட் முன்பதிவுக்கான வசதி செய்யப்பட்டு இருந்தது.
இதையடுத்து, அந்த நிறுவனத்திற்கு பலர் டுவிட்டரில் கேள்விகளை எழுப்பினர். இதற்கு பதிலளித்த அந்த நிறுவனம் வரும் 7-ந் தேதி முதல் இந்தியாவில் இருந்து துபாய்க்கு விமான சேவை தொடங்கும் என எதிர்பார்க்கிறோம். அதற்கான பயண கட்டுப்பாடுகள் மற்றும் அரசுத்துறைகளிடம் இருந்து பெறப்படும் அனுமதி ஆகியவற்றுக்கு காத்திருக்கிறோம் என அதிகாரப்பூர்வமாக தெரிவித்தது.
இதில் பலர் மீண்டும் துபாய் திரும்பி விடலாம் என மகிழ்ச்சியுடன் இருந்தனர். இந்த நிலையில் நேற்று எமிரேட்ஸ் நிறுவனத்தின் சார்பில் அறிவிப்பு விடப்பட்டது. அந்த அறிவிப்பில் எமிரேட்ஸ் நிறுவனத்தின் இந்தியாவில் இருந்து வருகை புரிவதற்கான அனைத்து விமானங்களும் மறு அறிவிப்பு வரும் வரை ரத்து செய்யப்படுவதாக குறிப்பிட்டுள்ளது.
மேலும் இந்தியா வழியாக 14 நாட்களுக்கு முன் வருகை தரும் எந்த பயணிக்கும் அமீரகத்திற்கு வருகை புரிய அனுமதி இல்லை எனவும் அதில் குறிப்பிடப்பட்டுள்ளது. இதனால், விமான சேவை ரத்தானது தொடர்ந்து நீடிக்கும் என எதிர்பார்க்கப்படுகிறது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.