.jpg)
பிரியாணி சாப்பிட்டவர்களுக்கு வாந்தி-மயக்கம்:நிவாரணம் வழங்கக்கோரி உறவினர்கள் சாலை மறியல் அறந்தாங்கியில் பிரியாணி சாப்பிட்டவர்களுக்கு வாந்தி-மயக்கம் ஏற்பட்டது. மேலும் அவர்களுக்கு நிவாரணம் வழங்கக்கோரி உறவினர்கள் சாலை மறியலில் ஈடுபட்டதால் போக்குவரத்து பாதிக்கப்பட்டது.
புதுக்கோட்டை மாவட்டம், அறந்தாங்கியில் உள்ள பிரியாணி கடையில் வாங்கி வந்த பிரியாணியை சாப்பிட்டு 46 பேருக்கு வாந்தி-மயக்கம் ஏற்பட்டது. இதையடுத்து அவர்கள் அனைவரும் அறந்தாங்கி அரசு மருத்துவமனையில் சிகிச்சைக்காக அனுமதிக்கப்பட்டனர்.
இதில் மேல் சிகிச்சைக்காக புதுக்கோட்டை அரசு மருத்துவமனையில் கனிமொழியும், தஞ்சாவூர் மருத்துவமனையில் ராஜேஷ் (வயது 6) என்ற சிறுவனும் அனுமதிக்கப்பட்டு உள்ளனர். தற்போது அறந்தாங்கி அரசு மருத்துவமனையில் 10-ம் வகுப்பு மாணவன் ராமநாதன் உள்பட 23 பேர் சிகிச்சை பெற்று வருகின்றனர்.
சாலை மறியல்
இந்நிலையில் மருத்துவமனையில் சிகிச்சையில் உள்ளவர்களின் உறவினர்கள் இன்று அறந்தாங்கி அரசு மருத்துவமனை முன் குவிந்தனர். பின்னர் பிரியாணி சாப்பிட்டவர்களுக்கு எதனால் வாந்தி மயக்கம் ஏற்பட்டது. இதுகுறித்து விவரம் சம்பந்தபட்ட உணவுத்துறை அதிகாரிகள் தெரிவிக்கவில்லை. கடந்த ஒரு வாரமாக வாழ்வாதாரம் பாதிக்கப்பட்ட நிலையில் உள்ள எங்களது உறவினர்களுக்கு அரசு நிவாரணம் வழங்க வேண்டும் என கோரி அறந்தாங்கி-பட்டுக்கோட்டை சாலையில் மறியலில் ஈடுபட்டனர்.
போக்குவரத்து பாதிப்பு
இதுகுறித்து தகவல் அறிந்த அறந்தாங்கி போலீஸ் இன்ஸ்பெக்டர் பாலசுப்பிரமணியன், உணவுத்துறை அதிகாரி ஜேம்ஸ், தாசில்தார் காமராஜ் ஆகியோர் சம்பவ இடத்திற்கு விரைந்து வந்தனர். பின்னர் மறியலில் ஈடுபட்டவர்களிடம் பேச்சுவார்த்தை நடத்தினர். அப்போது அதிகாரிகள் சம்பந்தப்பட்டவர் மீது உரிய நடவடிக்கை எடுக்கப்படும். வாந்தி-மயக்கம் ஏற்பட்டத்திற்கான காரணம் மருத்துவ சான்றிதழ் வந்தவுடன் தெரிவிக்கப்படும் என்று கூறினர். இதையடுத்து மறியலில் ஈடுபட்டவர்கள் அனைவரும் கலைந்து சென்றனர். இந்த மறியலால் அறந்தாங்கி-பட்டுக்கோட்டை சாலையில் 1½ மணி நேரம் போக்குவரத்து பாதிக்கப்பட்டது. இதுகுறித்து அறந்தாங்கி போலீசார் வழக்குப்பதிவு செய்து விசாரணை நடத்தி வருகின்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.