புதுக்கோட்டையில் குடியரசு தின விழாவில் தேசிய கொடியை கலெக்டர் கவிதாராமு ஏற்றி மரியாதை செலுத்தினார். தியாகிகள் கவுரவிக்கப்பட்டனர். பயனாளிகளுக்கு நலத்திட்ட உதவிகள் வழங்கப்பட்டது.
குடியரசு தின விழா
நாடு முழுவதும் 74-வது குடியரசு தின விழா நேற்று கொண்டாடப்பட்டது. புதுக்கோட்டையில் ஆயுதப்படை மைதானத்தில் மாவட்ட நிர்வாகம் சார்பில் குடியரசு தின விழா கொண்டாடப்பட்டது. காலை 8.05 மணிக்கு தேசிய கொடியை கலெக்டர் கவிதாராமு ஏற்றி வைத்து மரியாதை செலுத்தினார்.
தொடர்ந்து போலீசாரின் அணிவகுப்பு மரியாதை ஏற்றுக்கொண்டு திறந்த ஜீப்பில் நின்றபடி பார்வையிட்டார். சமாதானத்தை வலியுறுத்தும் வகையில் வெள்ளை புறாக்களையும், நாட்டின் தேசிய கொடியில் உள்ள மூவர்ணத்தை குறிக்கும் வகையிலான பலூன்களை அவர் பறக்கவிட்டார். சுதந்திர போராட்ட தியாகிகள் மற்றும் அவர்களது குடும்பத்தை சேர்ந்தவர்களுக்கு பொன்னாடை போர்த்தி கவுரவித்தார்.
பாராட்டு சான்றிதழ்கள்
விழாவில் காவல்துறையை சேர்ந்த 47 பேருக்கு முதல்-அமைச்சர் பதக்கங்களை கலெக்டர் வழங்கினார். அரசு துறைகளில் சிறப்பாக பணியாற்றிய 548 பேருக்கு பாராட்டு சான்றிதழ்களையும் அவர் வழங்கினார். மேலும் பல்வேறு துறைகளின் கீழ் 33 பயனாளிகளுக்கு ரூ.10 லட்சத்து 62 ஆயிரத்து 428 மதிப்புடைய நலத்திட்ட உதவிகளை வழங்கினார்.
விழாவில் 7 பள்ளிகளை சேர்ந்த 720 மாணவ, மாணவிகள் தேசபக்தி பாடல், செம்மொழியாம் தமிழ்மொழி, தமிழகத்தின் நாட்டுப்புற கலைகள், தாய் தமிழின் சிறப்பு, எங்கள் பாரதம், தேசிய ஒருமைப்பாடு, பிரமிடு என்ற தலைப்புகளில் கலை நிகழ்ச்சிகளை நடத்தினர். இதில் நடனமாடியும், யோகாசனம், சிலம்பம் உள்ளிட்ட கலைகளையும் செய்து அசத்தினர்.
மாணவர்களுக்கு பரிசுகள்
விழாவில் மாவட்ட போலீஸ் சூப்பிரண்டு (பொறுப்பு) ரமேஷ்கிருஷ்ணன், மாவட்ட வருவாய் அலுவலர் செல்வி, மாவட்ட வருவாய் அலுவலர் (நெடுஞ்சாலை நிலமெடுப்பு) சரவணன், தனி மாவட்ட வருவாய் அலுவலர் (காவேரி-வைகை-குண்டாறு) ரம்யாதேவி, மாவட்ட ஊரக வளர்ச்சி முகமை திட்ட இயக்குனர் கவிதப்பிரியா, புதுக்கோட்டை வருவாய் கோட்டாட்சியர் முருகேசன் உள்பட அதிகாரிகள் கலந்து கொண்டனர்.
பொதுமக்களும் திரளாக பங்கேற்று விழாவை கண்டுகளித்தனர். கலை நிகழ்ச்சிகளில் முதல் 3 இடம் பிடித்த பள்ளியை சேர்ந்த மாணவ-மாணவிகளுக்கு பரிசுகள் வழங்கப்பட்டன.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.