கிராம ஊராட்சிகளில் பொதுமக்கள் வரி செலுத்துவதற்காக புதிய இணையதளம் தொடங்கப்பட்டுள்ளது. கிராம ஊராட்சிகள் எந்தவொரு கட்டணத்தையும் ரொக்கமாக பெறக்கூடாது என்று அறிவிக்கப்பட்டு உள்ளது.
ஊரக வளர்ச்சி மற்றும் ஊராட்சி இயக்கக கமிஷனர் டாக்டர் தாரேஸ் அகமது, மாவட்ட கலெக்டர்களுக்கு அனுப்பிய சுற்றறிக்கையில் கூறப்பட்டு உள்ளதாவது:-
கிராம ஊராட்சிகளில் பொதுமக்கள் எளிதாக தங்களது வரி மற்றும் வரியில்லா வருவாய் இனங்களை செலுத்துவதற்கு ஏதுவாக https://vptax.tnrd.tn.gov.in என்ற இணையதளம் ஏற்படுத்தப்பட்டுள்ளது. இந்த இணையதளத்தின் முழுமையான செயல்பாடுகள் ஆய்வுக்கு உட்படுத்தப்பட்டு, தற்போது பொதுவெளியில் 22-ந்தேதி (இன்று) முதல் நடைமுறைக்கு கொண்டுவரப்பட உள்ளது.
இதன்மூலம் வீட்டு உரிமையாளர்கள், பயனர்கள் செலுத்தவேண்டிய வீட்டு வரி தொகை, குடிநீர் கட்டணம், தொழில் வரி ஆகியவை இந்த இணையதளத்தில் கிராம ஊராட்சிகளில் உள்ளீடு செய்யப்பட்டுள்ளன. இதன்படி, சுமார் 1.38 கோடி தரவுகள் உள்ளீடு செய்யப்பட்டுள்ளன. கிராம ஊராட்சிகளுக்கு பொதுமக்கள், வீட்டு வரி, சொத்து வரி, குடிநீர் கட்டணம், தொழில் வரி, தொழில் உரிம கட்டணம், இதர வரியில்லா வருவாய் இனங்களை இந்த இணையதளத்தின் மூலமாக இணையவழி கட்டணம், ரொக்க அட்டைகள், யூ.பி.ஐ. கட்டணம் மற்றும் பி.ஓ.எஸ். (பாய்ண்ட் ஆப் சேல்) எந்திரங்களின் மூலமாக செலுத்தலாம்.
கிராம ஊராட்சி அமைப்புகளுக்கு வழங்கப்பட்டுள்ள அதிகார பகிர்ந்தளிப்புக்கு உட்பட்ட கட்டிடங்களுக்கு அனுமதி முழுமையான இணையவழி மட்டுமே தரப்படவேண்டும். இதற்கென பிரத்யேகமாக இணையதளம் https://onlineppa.tn.gov.in/ என்ற முகவரியில் உருவாக்கப்பட்டுள்ளது. ஊரக பகுதிகளில் கட்டிட அனுமதி வழங்கும் பொறுப்பு கிராம ஊராட்சியின் செயல் அலுவலருக்கு வழங்கப்பட்டுள்ளது. ஊராட்சியால் விண்ணப்பதாரருக்கு கேட்பு தொகையினை விண்ணப்பதாரர் இணைய வழியிலேயே செலுத்தும் வகையில் மென்பொருள் உருவாக்கப்பட்டுள்ளது.
கிராம ஊராட்சிகள் எந்தவொரு கட்டணத்தையும் ரொக்கமாக பெறக்கூடாது. இணையவழியில் ஆன்லைன் பி.பி.ஏ. தளத்தின் மூலம் மட்டுமே பெறவேண்டும். அனைத்து ஊராட்சி மன்ற தலைவர்கள் மற்றும் செயலர்கள், அனைத்து ஊரக வளர்ச்சித்துறை கள அலுவலர்களும் வழிகாட்டு நெறிமுறைகளை பின்பற்றி செயல்பட தக்க நடவடிக்கைகள் மேற்கொள்ளவேண்டும்.
இவ்வாறு அதில் கூறப்பட்டுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.