புதுக்கோட்டை மாவட்டத்தில் 85 வயதிற்கு மேற்பட்டவர்கள், மாற்றுத்திறனாளிகள் 2,302 பேரிடம் தபால் வாக்குப்பதிவு இன்று (வியாழக்கிழமை) முதல் 3 நாட்கள் பெறப்படுகிறது.
தபால் வாக்குப்பதிவு
நாடாளுமன்ற தேர்தலில் 85 வயதிற்கு மேற்பட்ட வாக்காளர்கள் தங்களது வீடுகளில் இருந்தப்படி தபால் வாக்குப்பதிவு செய்யும் வசதி ஏற்படுத்தப்பட்டிருந்தது. இதேபோல மாற்றுத்திறனாளிகளுக்கும் தபால் வாக்குப்பதிவிற்கான நடவடிக்கைகளும் எடுக்கப்பட்டுள்ளது.
புதுக்கோட்டை மாவட்டத்தில் 85 வயதிற்கு மேற்பட்ட வாக்காளர்கள் மற்றும் மாற்றுத்திறனாளிகளிடம் தங்களுக்கு தபாலில் வாக்குப்பதிவு அளிக்க விருப்பம் தொடர்பாக படிவம் வினியோகிக்கப்பட்டு பெறப்பட்டது. இதையடுத்து 85 வயதிற்கு மேற்பட்ட வாக்காளர்களுக்கு தபால் வாக்குப்பதிவு அவர்களது இருப்பிடங்களுக்கே சென்று இன்று (வியாழக்கிழமை) முதல் 3 நாட்கள் பெறப்படுகிறது. இதேபோல் மாற்றுத்திறனாளிகளுக்கும் பெறப்படுகிறது.
2,302 பேர்
புதுக்கோட்டை மாவட்டத்தில் 85 வயதிற்கு மேற்பட்ட வாக்காளர்கள் திருச்சி நாடாளுமன்ற தொகுதிக்குட்பட்ட கந்தர்வகோட்டை (தனி) சட்டமன்ற தொகுதியில் 206 பேரும், புதுக்கோட்டையில் 171 பேரும், கரூர் நாடாளுமன்ற தொகுதிக்குட்பட்ட விராலிமலை தொகுதியில் 342 பேரும், சிவகங்கை நாடாளுமன்ற தொகுதிக்கப்பட்ட திருமயம் தொகுதியில் 255 பேரும், ஆலங்குடி தொகுதியில் 181 பேரும், ராமநாதபுரம் நாடாளுமன்ற தொகுதிக்குபட்ட அறந்தாங்கி சட்டமன்ற தொகுதியில் 245 பேரும் என மொத்தம் 1,400 பேர் உள்ளனர்.
இதேபோல மாற்றுத்திறனாளிகளில் கந்தர்வகோட்டை (தனி) தொகுதியில் 110 பேரும், விராலிமலையில் 286 பேரும், புதுக்கோட்டையில் 67 பேரும், திருமயத்தில் 183 பேரும், ஆலங்குடியில் 59 பேரும், அறந்தாங்கியில் 187 பேரும் என மொத்தம் 902 பேர் உள்ளனர். மாவட்டத்தில் 85 வயதிற்கு மேற்பட்டவர்கள், மாற்றுத்திறனாளிகள் மொத்தம் 2,302 பேர் உள்ளனர்.
வீடியோவில் பதிவு
மாவட்டத்தில் இந்த தபால் வாக்குகளை பெறுவதற்காக வாக்குப்பதிவு அலுவலர், உதவியாளர், நுண் பார்வையாளர், 1 போலீஸ்காரர், ஒரு வீடியோ பதிவு அலுவலர் என 5 பேர் பணியில் இருப்பார்கள். ஒருவரிடம் தபால் வாக்குப்பதிவு நடைபெறுவதை வீடியோவில் பதிவு செய்யப்படும் என்பது குறிப்பிடத்தக்கது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.