கோட்டைப்பட்டினம் அருகே மோட்டார் சைக்கிள்கள் மோதிக்கொண்ட விபத்தில் 2 வாலிபர்கள் பலியாகினர். மற்றொருவர் படுகாயமடைந்தார்.
மோட்டார் சைக்கிள்கள் மோதல்
புதுக்கோட்டை மாவட்டம் கோட்டைப்பட்டினம் அருகே வடக்குபுதுப்பட்டி பகுதியை சேர்ந்த பாஸ்கரின் மகன் சிவா (வயது 28). அதே பகுதியை சேர்ந்த சித்திரைவேலின் மகன் பூபதி (25). இவர்கள் 2 பேரும் நேற்று முன்தினம் இரவு மணமேல்குடியில் இருந்து கோட்டைப்பட்டினம் நோக்கி மோட்டார் சைக்கிளில் சென்று கொண்டிருந்தனர். அதேநேரத்தில் கோட்டைப்பட்டினத்தில் இருந்து மணமேல்குடி நோக்கி ஒரு மோட்டார் சைக்கிள் வந்தது. அந்த மோட்டார் சைக்கிளை கோட்டைப்பட்டினத்தை சேர்ந்த அஜித்பாண்டி (25) என்பவர் ஓட்டி வந்தார். இந்த நிலையில் கோட்டைப்பட்டினத்தில் கிழக்கு கடற்கரை சாலை ரோட்டில் வண்ணிச்சி பட்டிணம் அருகே கண்ணிமைக்கும் நேரத்தில் இரு மோட்டார் சைக்கிள்களும் நேருக்கு நேர் மோதிக்கொண்டன.
2 பேர் பலி
இந்த விபத்தில் சிவா படுகாயமடைந்து சம்பவ இடத்திலேயே பரிதாபமாக இறந்தார். அஜித்பாண்டி, பூபதி ஆகிய 2 பேரும் படுகாயமடைந்தனர். இந்த விபத்து குறித்து தகவல் அறிந்ததும் கோட்டைப்பட்டினம் போலீசார் சம்பவ இடத்திற்கு விரைந்து வந்தனர். படுகாயமடைந்த 2 பேரையும் மீட்டு சிகிச்சைக்காக மணமேல்குடி அரசு மருத்துவமனைக்கு அனுப்பி வைத்தனர்.
இதில் மருத்துவமனைக்கு செல்லும் வழியில் அஜித்பாண்டி பரிதாபமாக இறந்தார். படுகாயமடைந்த பூபதி, தனியார் மருத்துவமனையில் சிகிச்சை பெற்று வருகிறார். விபத்தில் இறந்த 2 பேரும் மீன்பிடி தொழிலில் வேலைக்கு சென்று வந்தனர். காயமடைந்த பூபதியும் அதே வேலையில் ஈடுபட்டு வருகிறார். இந்த விபத்து குறித்து கோட்டைப்பட்டினம் போலீசார் வழக்குப்பதிவு செய்து விசாரணை நடத்தி வருகின்றனர். மோட்டார் சைக்கிள் விபத்தில் 2 பேர் பலியான சம்பவம் அப்பகுதியில் சோகத்தை ஏற்படுத்தியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.