மதுரை விமான நிலையம் அடுத்த மாதம் 29-ந்தேதி முதல், 24 மணி நேரமும் செயல்பட இருக்கிறது. இதன் மூலம், கூடுதல் விமானங்கள் இயக்க வாய்ப்புள்ளதாக விமான நிலைய அதிகாரிகள் தெரிவித்தனர்.
மதுரை விமான நிலையம்
மதுரை விமான நிலையத்தில் இருந்து சென்னை, பெங்களூரு, மும்பை, டெல்லி, ஐதராபாத் உள்ளிட்ட உள்நாட்டு நகரங்களுக்கும், இலங்கை, துபாய், சிங்கப்பூர் உள்ளிட்ட வெளிநாடுகளுக்கும் விமானங்கள் இயக்கப்பட்டு வருகின்றன.
இந்தநிலையில், கடந்த ஆண்டு மதுரை விமான நிலையம் 24 மணி நேரமும் செயல்படும் என அறிவிக்கப்பட்டது. ஆனால் விமான நிலையத்தில் போதிய மத்திய தொழில்பாதுகாப்பு படை வீரர்கள் இல்லாதது உள்ளிட்ட காரணங்களால், 24 மணி நேரமும் செயல்படாத நிலை நீடித்தது.
எனவே, மதுரை விமான நிலையத்தை சர்வதேச விமான நிலையமாக மாற்றி, 24 மணி நேரமும் செயல்பட வைக்க வேண்டும் என்று பல்வேறு தரப்பினரும் கோரிக்கை விடுத்து வந்தனர். இந்த கோரிக்கையின் அடிப்படையில் வருகிற அக்டோபர் மாதம் 29-ந்தேதி முதல் மதுரை விமான நிலையம் 24 மணி நேரமும் செயல்பட இருப்பதாக தகவல்கள் வெளியாகி உள்ளன. அவ்வாறு செயல்பட தொடங்கினால், வெளிநாடுகளுக்கு கூடுதல் விமான சேவைகள் தொடங்கப்படும் என தெரிகிறது.
கூடுதல் விமான சேவை
இதுகுறித்து மதுரை விமான நிலைய இயக்குனர் முத்துக்குமார் கூறுகையில், மதுரை விமான நிலையம் 24 நேரமும் செயல்பட உள்ளதால், இரவு நேரத்தில், தங்கள் விமானங்களை இயக்குவதற்கு அந்தந்த நிறுவனங்கள் கால அட்டவணையை தயார் செய்து அனுப்புமாறு அனைத்து விமான நிறுவனங்களுக்கும் சுற்றறிக்கைகள் அனுப்பப்பட்டு உள்ளன. அதன் அடிப்படையில் எந்தெந்த விமான நிறுவனங்கள் மதுரைக்கு விமான சேவையை பயன்படுத்த விரும்புகிறார்களோ, அதற்கு ஏற்றார்போல், அவர்களுக்கு நேரம் ஒதுக்கப்படும்.
24 மணி நேர சேவை
24 மணி நேர சேவை வழங்க வசதியாக கூடுதலாக மத்திய தொழில்பாதுகாப்பு படைவீரர்கள் பணியமர்த்தப்பட்டு உள்ளனர். மேலும், மதுரை விமான நிலைய ஊழியர்களுக்கும் சுழற்சி முறையில் பணி வழங்கப்பட்டுள்ளது. சிங்கப்பூர், இலங்கை, துபாய் உள்ளிட்ட நாடுகளுக்கு ஏற்கனவே விமானங்கள் இயக்கப்படுவதால், மலேசியா, கோலாலம்பூர், சார்ஜா, குவைத் போன்ற இடங்களுக்கு புதிய விமான சேவை தொடங்க வாய்ப்புள்ளது. இந்த சேவையை சிறப்பாக அமல்படுத்த நாங்கள் தயாராக உள்ளோம்.
இவ்வாறு அவர் கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.