வாக்காளர்களுக்கு பரிசு பொருட்கள் வழங்கினால் கடும் நடவடிக்கை எடுக்கப்படும் என தேர்தல் அதிகாரியும், கலெக்டருமான உமா மகேஸ்வரி எச்சரிக்கை விடுத்துள்ளார்.
நாடாளுமன்ற பொதுத் தேர்தலையொட்டி புதுக்கோட்டை மாவட்டத்தில் அமைக்கப்பட்டு உள்ள நிலையான கண்காணிப்பு குழுக்கள், பறக்கும்படை மற்றும் தேர்தல் பிரசாரங்களை வீடியோ எடுக்கும் குழுவினர்களுக்கான ஆலோசனை கூட்டம் புதுக்கோட்டை கலெக்டர் அலுவலகத்தில் நடைபெற்றது. இதற்கு மாவட்ட தேர்தல் நடத்தும் அதிகாரியும், கலெக்டருமான உமா மகேஸ்வரி தலைமை வகித்து பேசியதாவது: நாடாளுமன்ற பொதுத்தேர்தல் தமிழகத்தில் வருகிற ஏப்ரல் மாதம் 18ம் தேதி நடைபெற உள்ளதையொட்டி தேர்தல் பிரசாரங்களை வீடியோ எடுக்கும் வகையில் ஒரு சட்டமன்ற தொகுதிக்கு ஒரு குழு அமைக்கப்பட்டுள்ளது. இந்த குழு தேர்தல் பிரசாரங்கள் தொடர்பான அனைத்து நிகழ்வுகளையும் வீடியோ பதிவு செய்யும். இவ்வாறு பதிவு செய்யப்படும் வீடியோ பதிவுகளை தினமும் பார்வையிட்டு செலவின விபரத்தை குறிக்கும் குழுவிற்கு தவறாமல் அனுப்பி வைக்க அறிவுறுத்தப்பட்டு உள்ளது.
நிலையான கண்காணிப்பு குழுவினர் ஒரு சட்டமன்ற தொகுதிக்கு 3 குழுக்களாக அமைக்கப்பட்டு 24 மணி நேரமும் சுழற்சி முறையில் இயங்கிடவும், இக்குழுவினர் சாலைகளில் தீவிர வாகன தணிக்கையை ஈடுபடுவதுடன் உரிய ஆவணங்களின்றி கொண்டு செல்லப்படும் பணம் மற்றும் பொருட்களை பறிமுதல் செய்து உரிய நடவடிக்கை மேற்கொள்ள அறிவுறுத்தப்பட்டு உள்ளது. மேலும் பறக்கும் படையினர் ஒரு சட்டமன்ற தொகுதிக்கு 3 குழுக்களாக அமைக்கப்பட்டு 24 மணிநேரமும் கண்காணிப்பு பணியில் ஈடுபடுவதுடன் தேர்தல் நடத்தை விதிமீறல்கள் தொடர்பான அனைத்து புகார்களையும் இக்குழு விசாரணை செய்யும். இதேபோல வாக்காளர்களுக்கு ஏதேனும் பரிசு பொருட்கள் போன்றவற்றை கொடுக்க யாரேனும் முயற்சித்தால் அதனை கண்டறிந்து உரிய நடவடிக்கை இக்குழு மேற்கொள்ளும். இதுபோல பல்வேறு நடவடிக்கைகள் மூலம் புதுக்கோட்டை மாவட்டத்தில் நடைபெற உள்ள தேர்தலை நேர்மையாக நடத்தும் வகையில் தேவையான அனைத்து நடவடிக்கைகளும் மேற்கொள்ளப்பட்டு உள்ளது என்றார். கூட்டத்தில் மாவட்ட போலீஸ் சூப்பிரண்டு செல்வராஜ், மாவட்ட வருவாய் அதிகாரி ராமசாமி உள்பட அரசு அதிகாரிகள், தேர்தல் நடத்தும் அதிகாரிகள் பலர் கலந்து கொண்டனர்.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.