இதுகுறித்து அவர் திங்கள்கிழமை வெளியிட்ட செய்திக்குறிப்பு: புதுக்கோட்டை அரசு இசைப் பள்ளியில் நிகழாண்டுக்கான இருபாலர் மாணவர் சேர்க்கை தற்போது நடைபெற்று வருகிறது. இதில் குரலிசை, வயலின், மிருதங்கம், பரத நாட்டியம் ஆகிய வகுப்புகளுக்கு விண்ணப்பிக்க 7-ஆம் வகுப்பு தேர்ச்சியும், நாதசுரம், தவில், தேவாரம் ஆகிய வகுப்புகளுக்கு விண்ணப்பிக்க தமிழ் எழுதப் படிக்கத் தெரிந்திருக்கவும் வேண்டும்.
12 வயது முதல் 25 வயது வரையுள்ளோர் விண்ணப்பிக்கலாம். பயிற்சிக் காலம் 3 ஆண்டுகள். பயிற்சி நேரம் காலை 10 மணி முதல் மாலை 4 மணி வரை. பயிற்சிக் கட்டணம் ரூ.152 ஆகும்.
அரசுச் சான்றிதழ் படிப்பான இப்பயிற்சியில், அரசுத் துறையில் வேலை வாய்ப்புகளும், வானொலி, தொலைக்காட்சி மற்றும் திரைப்படங்களில் நிகழ்ச்சி வழங்க வாய்ப்புகளும் கிடைக்கும். இலவசப் பேருந்து சலுகை, தங்கும் வசதி மற்றும் கல்வி உதவித் தொகை ஆகியவை அரசு விதிகளுக்கு உள்பட்டு வழங்கப்படும். மேலும் மாணவர்களுக்கு சீருடை, காலணி, மிதிவண்டி அரசு விதிகளின்படி வழங்கப்படும். மாணவர்கள் அனைவருக்கும் ஊக்கத்தொகையாக மாதந்தோறும் ரூ.400 வழங்கப்படும்.
எனவே, ஆர்வமுள்ள மாணவ, மாணவிகள் மாவட்ட அரசு இசைப்பள்ளி, 1883, திலகர் திடல், புதுக்கோட்டை என்ற முகவரியில் பள்ளித் தலைமை ஆசிரியரை நேரில் அணுகலாம். மேலும் விவரங்களுக்கு 04322-225575, 94861 52007 என்ற எண்களில் தொடர்பு கொள்ளலாம்.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.