மதுபோதைக்காக குளிர்பானத்தில் சேவிங் லோசனை கலந்து குடித்த மேலும் ஒருவர் இறந்தார். இதனால் பலி எண்ணிக்கை 3-ஆக உயர்ந்தது.
புதுக்கோட்டை மாவட்டம், கோட்டைப்பட்டினம் பகுதியை சேர்ந்தவர் பஷீர் மகன் அன்வர் ராஜா (வயது 33). இவரது நண்பர்கள் கோட்டைப்பட்டினத்தை சேர்ந்த முகமது மைதீன் மகன் அசன் மைதீன் (35), ராமநாதபுரத்தை சேர்ந்த மலைக்கண்ணன் மகன் அருண்பாண்டி (27). இதில் அசன் மைதீனும், அருண்பாண்டியும் கோட்டைப்பட்டினத்தில் தங்கி மீன்பிடி தொழில் செய்து வந்தனர். அன்வர்ராஜா பழைய இருசக்கர வாகனங்களை வாங்கி, விற்பனை செய்து வந்தார்.
ஊரடங்கு உத்தரவையொட்டி டாஸ்மாக் கடைகள் அடைக்கப்பட்டிருந்தன. இந்நிலையில் நேற்று முன்தினம் 3 பேரும் போதைக்காக சேவிங் லோசனை (விஷம்) குளிர்பானத்தில் கலந்து குடித்து உள்ளனர். பின்னர் அன்வர் ராஜா அவரது வீட்டிற்கு சென்று விட்டார். அசன் மைதீனும், அருண் பாண்டி ஆகியோரும் வீட்டிற்கு சென்று விட்டனர். பின்னர் இவர்கள் 2 பேரும் வாந்தி எடுத்து உள்ளனர். இதையடுத்து அருகில் உள்ளவர்கள் இவர்களிடம் விசாரித்தனர். அப்போது அவர்கள் நாங்கள் மது போதைக்காக சேவிங் லோசனை குடித்து விட்டோம் என்று கூறினர்.
மேலும் ஒருவர் சாவு
இதையடுத்து அவர்கள் கோட்டைப்பட்டினம் போலீசாருக்கு தகவல் தெரிவித்தனர். தகவல் அறிந்த கோட்டைப்பட்டினம் துணை போலீஸ் சூப்பிரண்டு சிவராமன், போலீஸ் இன்ஸ்பெக்டர் முத்துக்குமார் மற்றும் போலீசார் சம்பவ இடத்திற்கு விரைந்து வந்தனர். பின்னர் 2 பேரையும் தனியார் ஆம்புலன்ஸ் மூலம் சிகிச்சைக்காக மணமேல்குடி அரசு மருத்துவமனைக்கு அனுப்பி வைத்தனர்.
இதற்கிடையே அன்வர்ராஜா வீட்டிற்கு சென்று அவரையும் மீட்டு சிகிச்சைக்காக மணமேல்குடி அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி அருண்பாண்டி, அசன் மைதீனும் பரிதாபமாக இறந்தனர். அன்வர் ராஜாவை மேல் சிகிச்சைக்காக அறந்தாங்கி அரசு மருத்துவமனைக்கு அனுப்பி வைத்தனர். பின்னர் அன்வர்ராஜா மேல்சிகிச்சைக்காக திருச்சியில் உள்ள தனியார் மருத்துவமனையில் அனுமதிக்கப்பட்டார். பின்னர் அங்கிருந்து சிகிச்சைக்காக புதுக்கோட்டை அரசு மருத்துவக்கல்லூரி மருத்துவ மனைக்கு கொண்டு சென்றனர்.
அங்கு அன்வர்ராஜாவை பரிசோதித்த டாக்டர்கள் அன்வர்ராஜா ஏற்கனவே இறந்துவிட்டதாக தெரிவித்தனர். இதனால் பலி எண் ணிக்கை 3-ஆக உயர்ந்தது.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.