வங்கக்கடலில் உருவான ‘புரெவி’ புயல் இன்று (வியாழக்கிழமை) மன்னார் வளைகுடா பகுதியை கடந்து, நாளை (வெள்ளிக்கிழமை) தென்தமிழகத்தில் கன்னியாகுமரிக்கும், பாம்பனுக்கும் இடையே கரையை கடக்க வாய்ப்பு உள்ளதாக வானிலை ஆய்வு மையம் அறிவித்துள்ளது.
இந்த புயல் காரணமாக புதுக்கோட்டை மாவட்டத்தில் இடி, மின்னலுடன் கனமழை பெய்யக்கூடும் என தெரிவிக்கப்பட்டுள்ளது. இதையொட்டி மாவட்ட நிர்வாகம் சார்பில் முன்னெச்சரிக்கை நடவடிக்கை எடுக்கப்பட்டுள்ளது.
இந்தநிலையில் கோபாலப்பட்டிணம், மீமிசலில் நேற்று காலை முதலே வானம் மேகமூட்டத்துடன் காணப்பட்டது. காலை 8 மணிக்கு மேல் லேசாக மழை தூற தொடங்கியது. தொடர்ந்து தூறிக்கொண்டே இருந்தது. நேரம் செல்ல செல்ல தூறலின் வேகம் சற்று அதிகரித்தது. இதனால் சாலையில் இரு சக்கர வாகனங்களில் சென்றவர்களில் பலர் மழையில் நனைந்தபடியும், சிலர் குடை பிடித்த படியும் சென்றனர். இதேபோல சாலையில் நடந்து சென்றவர்களின் நிலையும் இது தான்.
பகல் 12 மணிக்கு மேல் மிதமான மழை பெய்தது. அதன்பின் தொடர்ந்து தூறிக்கொண்டே இருந்தது. ஏற்கனவே நிவர் புயலின் போது பலத்த மழை பெய்யும் என எதிர்பார்க்கப்பட்டது. ஆனால், பெரிய அளவில் மழை பெய்யவில்லை. மிதமாக மட்டுமே பெய்தது.
இந்த நிலையில் புரெவி புயல் காரணமாக மழை அதிகமாக பெய்யக்கூடுமா? என்ற எதிர்பார்ப்பு உள்ளது. போதுமான மழை இல்லாததால் மாவட்டத்தில் ஏரி, குளங்கள் இன்னும் முழுமையாக நிரம்பவில்லை. இதேபோல சில இடங்களில் விவசாயிகள் மழையை எதிர்பார்த்துள்ளனர். கடந்த நவம்பர் மாதத்தில் பெய்ய வேண்டிய சராசரி மழை கூட மாவட்டத்தில் பெய்யவில்லை என்பது குறிப்பிடத்தக்கது.
கடலோரப் பகுதிகளான கோட்டைப்பட்டினம், ஜெகதாப்பட்டினம் ஆகிய பகுதிகளில் காற்றுடன் மிதமான மழை பெய்தது. புயல் காரணமாக முன்எச்சரிக்கை நடவடிக்கையாக விசைப்படகு மற்றும் நாட்டுப்படகு மீனவர்கள் கடலுக்கு மீன் பிடிக்க செல்லவில்லை.
இதனால், விசைப்படகு மற்றும் நாட்டுப்படகுகள் பாதுகாப்பான இடத்தில் நிறுத்தி வைக்கப்பட்டுள்ளது. மீனவர்கள் கடலுக்கு மீன்பிடிக்க செல்லாததால் மீன் மார்க்கெட்டுகள் வெறிச்சோடி காணப்பட்டது. மணமேல்குடி மற்றும் அதன் சுற்று வட்டார பகுதிகளில் நேற்று அதிகாலை முதல் பரவலாக மழை பெய்தது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.