மணல் திட்டு
ராமநாதபுரம் மாவட்டம் மன்னார் வளைகுடா பகுதியான ஏர்வாடி பிச்சை மூப்பன் வலசை கடல் நடுவில் மணல் திட்டு உருவானதை தொடர்ந்து அங்கு மன்னார் வளைகுடா உயிர்கோள காப்பக அறக்கட்டளை சார்பில் படகு சவாரி தொடங்கப்பட்டது. இதைதொடர்ந்து தமிழகத்தில் உள்ள பல்வேறு மாவட்டங்கள் மற்றும் வெளிமாநிலங்களில் இருந்து மணல் திட்டை காண்பதற்கு ஏராளமான சுற்றுலா பயணிகள் குவிந்த வண்ணம் உள்ளனர்.
மேலும் தமிழகத்தில் முதன்முறையாக கடலில் செல்லக்கூடிய கண்ணாடி வசதியுடன் கூடிய படகுகள் உள்ளதால், அதன்மூலம் கடல் அடியில் உள்ள அரியவகை உயிரினங்களான கடல் பாசி, சிற்பி, கடல் புற்கள், பவள பாறைகளான, மூளை, விரல்கள், மேக வடிவு, மான்கொம்பு போன்ற பாறைகள் மற்றும் டால்பின், கடல் ஆமைகள், கடல் பல்லி, கடல் குதிரைகள், கடல் விசிறி, மேல் தாமரை மற்றும் அரிய வகை உயிரினங்களை படகில் இருந்தபடியே காண முடிகிறது.
கடற்கரையில் சுமார் ஒரு கிலோ மீட்டர் தூரம் படகுப்பயணம் மேற்கொண்டால் இந்த மணல் திட்டை அடைய முடியும். ஆனால் படகு சவாரி செய்ய 10 வயதுக்கு உட்பட்ட குழந்தைகளுக்கு அனுமதி இல்லை. ஒரு படகில் 12 பேர் பயணம் செய்ய முடியும். சென்று வர ஒரு நபருக்கு ரூ.200 வசூலிக்கப்படுகிறது.
பவளப்பாறைகள்
இந்த பகுதியில் உள்ள பவளப்பாறைகள் கடல் சீற்றம், புயல் ஏற்படும் காலகட்டங்களில் அலைகள் வேகத்தை கட்டுப்படுத்தும் தன்மை உடையவை. கடல் தட்ப, வெப்பநிலையை சமநிலைப்படுத்தும் ஆக்சிஜனை உற்பத்தி செய்யும். இந்த பவளப்பாறை வருடத்திற்கு 2 சென்டிமீட்டர் அளவு மட்டுமே வளரும். இதுபோன்ற பாறைகள் உலகிலேயே சில நாடுகளில் மட்டுமே உள்ளன. அதில் தமிழகத்தில் உள்ள மன்னார் வளைகுடா பகுதிகளில் அதிக வளர்ச்சி காணப்படுகிறது என்று ஆராய்ச்சியாளர்கள் கூறுகின்றனர்.
தற்போது ஏர்வாடி அருகே கடல் பகுதிகளில் தொடங்கி இருக்கும் படகு சவாரியால் இப்பகுதியில் சுற்றுச்சூழல் மற்றும் சுற்றுலா வளர்ச்சி அடையும் என்று உயிர்க்கோள காப்பக துணை மண்டல அலுவலர் கனகராஜ் கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.