கொரோனா பரவல் ஏறுமுகம்
இந்தியாவில் கொரோனா வைரஸ் பெருந்தொற்று தினந்தோறும் ஏறுமுகம் கண்டு வருகிறது. நேற்று ஒரே நாளில் 3.32 லட்சம் பேர் தொற்றுக்கு ஆளாகி உள்ளனர். 24.28 லட்சம் நோயாளிகள் சிகிச்சையில் உள்ளனர். 2,263 பேர் 24 மணி நேரத்தில் உயிரிழந்திருக்கிறார்கள்.இந்தநிலையில் சிகிச்சை பெறும் கொரோனா நோயாளிகள் எண்ணிக்கை குறையத்தொடங்குவதற்கு முன்னர் அடுத்த மாதம் மத்தியில் இன்னும் கூடுதலாக 10 லட்சம் அளவுக்கு உயரும் (35 லட்சம் வரையில்) என கான்பூர் ஐ.ஐ.டி., ஐதராபாத் ஐ.ஐ.டி., விஞ்ஞானிகள் கணித்துள்ளனர்.
35 லட்சம் நோயாளிகள்
சூத்ரா என்று அழைக்கப்படுகிற எளிதில் பாதிக்கப்படுகிற, கண்டறியப்படாத, பாசிட்டிவ் என சோதித்து அறியப்பட்ட, அகற்றப்பட்ட அணுகுமுறை அடிப்படையில் இதை விஞ்ஞானிகள் கணித்துள்ளனர். இது பற்றி விஞ்ஞானிகள் கருத்து வெளியிட்டுள்ளனர்.
மகிந்திரா அகர்வால் ( கான்பூர் ஐ.ஐ.டி. கம்ப்யூட்டர், என்ஜினீயரிங் பேராசிரியர்):-
அடுத்த மாதம் 11-ந் தேதியில் இருந்து 15-ந் தேதிக்குள் இந்தியாவில் 33 லட்சம் முதல் 35 லட்சம் வரையில் கொரோனா நோயாளிகள் சிகிச்சையில் இருப்பார்கள் என்று நாங்கள் கண்டறிந்துள்ளோம். இது உச்சமாக இருக்கும். அதைத் தொடர்ந்து கொரோனா பாதிப்பு வேகமாக குறையும். அடுத்த மாத இறுதியில் வியக்கத்தக்க வகையில் பாதிப்பு குறைவதை பார்க்க முடியும்.
எங்களது சூத்ரா மாதிரியின் கணிப்பு தினசரி புதிய தொற்று தரவுகளுக்கு பொருந்தக்கூடியதாகும்.
3 அம்சங்கள்
தொற்றுநோயின் போக்கைக் கணிப்பதற்கு இந்த சூத்ரா மாதிரியில் 3 அம்சங்களை பயன்படுத்துகிறோம்.
முதல் அம்சம் பீட்டா அல்லது தொடர்பு விகிதம் ஆகும். இது ஒரு நபரால் தினமும் எத்தனை நபருக்கு கொரோனா பரவுகிறது என்பதை அளவிடும்.
அடுத்தது, சென்றடைதல். இது கொரோனாவுக்கு மக்கள் வெளிப்படும் அளவைக்குறிக்கிறது.
மற்றொன்று, எப்சிலான் ஆகும். இது கண்டறியப்பட்ட மற்றும் கண்டறியப்படாத கொரோனா நோயாளிகளின் விகிதம் ஆகும்.
கவுதம் மேனன் ( அசோகா பல்கலைக்கழகம், அரியானா):-
ஏப்ரல் மத்தியில் இருந்து மே மத்திக்குள் கொரோனா உச்சம் தொடும். ஒரு மிக துல்லியமான கணிப்பு, கொரோனா 5 நாளில் உச்ச நிலைக்கு போய் விடலாம்.
இவ்வாறு அவர்கள் கூறி உள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.