கடலில் சுருக்குமடி வலையை பயன்படுத்தி மீன் பிடிக்க அனுமதி கோரிய மனுவை 4 வாரத்துக்குள் பரிசீலிக்க வேண்டும் என்று தமிழக அரசுக்கு சென்னை ஐகோர்ட்டு உத்தரவிட்டுள்ளது.
கடலூர் மாவட்டம், தேவனாம்பட்டினம் மீனவர் கூட்டுறவு சங்கத் தலைவர் அறிவழகன், சென்னை ஐகோர்ட்டில் தாக்கல் செய்துள்ள மனுவில் கூறியிருப்பதாவது:-
தமிழக அரசு சுருக்குமடி வலைகளை பயன்படுத்தி கடலில் மீன் பிடிக்க தடை விதித்து கடந்த 2000-ம் ஆண்டு உத்தரவிட்டது. இதற்கிடையே மீன் பிடி தடை காலத்தை மறு ஆய்வு செய்யவும், மீன் வளத்தை மேம்படுத்தவும் ஒன்றிய அரசு ஒரு தொழில் நுட்ப குழுவை அமைத்தது.
கடந்த 2014-ம் ஆண்டு அந்தக்குழு அறிக்கை அளித்தது. அதில், சுருக்குமடி வலைகளை பயன்படுத்த மீனவர்களுக்கு உரிமை உள்ளது என்று கூறியிருந்தது.
இதன்படி, கடந்த 2020-ம் ஆண்டு மார்ச் 23-ந்தேதி சுருக்குமடி வலையை பயன்படுத்த மீனவர்களுக்கு உரிமை உள்ளது என்று ஒன்றிய அரசு உத்தரவிட்டுள்ளது.
ஆனால், தமிழகத்தில் இந்த உத்தரவை அமல்படுத்தவில்லை. எனவே, தமிழகத்தில் சுருக்குமடி வலைகளை பயன்படுத்தி மீன் பிடிக்க அனுமதிக்க உத்தரவிட வேண்டும். இதுதொடர்பாக, தமிழக அரசுக்கு கடந்த ஜூலை மாதம் அளித்துள்ள கோரிக்கை மனுவை பரிசீலித்து தகுந்த உத்தரவு பிறப்பிக்க உத்தரவிடவேண்டும்.
இவ்வாறு அவர் கூறியுள்ளார்.
இந்த வழக்கு நீதிபதி ஆர்.மகாதேவன் முன்பு விசாரணைக்கு வந்தது. அப்போது, தமிழக அரசு தரப்பில் ஆஜரான வக்கீல், தமிழகத்தில் சுருக்குமடி வலையைப் பயன்படுத்தி மீன்பிடி தொழில் செய்வது தொடர்பாக தமிழக அரசு உரிய முடிவு எடுக்கும் என்று விளக்கம் அளித்தார்.
இதைப்பதிவு செய்து கொண்ட நீதிபதி, மனுதாரர் தரப்பில் அளிக்கப்பட்டுள்ள கோரிக்கை மனுவை தமிழக அரசு 4 வார காலத்துக்குள் பரிசீலித்து தகுந்த முடிவு எடுக்க வேண்டும் என்று உத்தரவிட்டார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.