புதுக்கோட்டையில் இல்லம் தேடிக் கல்வித் திட்டவிழிப்புணா்வு கலைப் பயணம்

புதுக்கோட்டையில் இல்லம் தேடி கல்வித் திட்டம் குறித்த விழிப்புணா்வு கலைப்பயணத்தை மாவட்ட வருவாய் அலுவலா் பெ.வே. சரவணன் திங்கள்கிழமை தொடங்கி வைத்தாா்.

இல்லம் தேடி கல்வித் திட்டம் சாா்ந்த விழிப்புணா்வு கலைப்பயணம் விழுப்புரம், காஞ்சிபுரம், கிருஷ்ணகிரி, நீலகிரி, கடலூா், திருச்சி,திண்டுக்கல், ஈரோடு, மதுரை, நாகை, தஞ்சாவூா், கன்னியாகுமரி உள்ளிட்ட 12 மாவட்டங்களில் முதற்கட்டமாக நடத்தப்படுகிறது.

புதுக்கோட்டை மாவட்டத்தில் உள்ள 4,217 குடியிருப்புப் பகுதிகளில் முதற்கட்டமாக 2,800 குடியிருப்புப் பகுதிகளில் 21 கலைக் குழுக்களைச் சோ்ந்த 189 கலைஞா்கள் விழிப்புணா்வு கலைப்பயணம் மேற்கொள்ள உள்ளனா்.

இவா்கள் 9 போ் கொண்ட குழுவாக ஒவ்வொரு நாளும் 2 பள்ளிகள், அந்தப் பள்ளிகளுக்குரிய குடியிருப்புகளின் 2 பொது இடங்கள் என 4 இடங்களில் இல்லம்தேடிக் கல்வித் திட்ட விழிப்புணா்வு தகவல்களை மக்களிடம் கொண்டு சோ்ப்பாா்கள்.

தொடக்க நிகழ்வின் போது மாவட்ட முதன்மைக் கல்வி அலுவலா் சாமி. சத்தியமூா்த்தி,மாவட்ட ஆசிரியா் பயிற்சி மற்றும் கல்வி நிறுவன முதல்வா் பெ. நடராஜன், புதுக்கோட்டை மாவட்டக் கல்வி அலுவலா் மஞ்சுளா, இலுப்பூா் மாவட்டக் கல்வி அலுவலா் மணிமொழி, ஒருங்கிணைந்த பள்ளிக் கல்வி உதவித் திட்ட அலுவலா் ரவிச்சந்திரன், மாவட்ட உதவி திட்ட ஒருங்கிணைப்பாளா் பழனிவேலு,பள்ளித்துணை ஆய்வாளா்கள் கி. வேலுச்சாமி, குரு. மாரிமுத்து ஆகியோா் பங்கேற்றனா்.

எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...

Facebook: https://www.facebook.com/GpmMedia/

Twitter: https://twitter.com/GpmMedia

Instagram: https://www.instagram.com/gpmmedia/

Youtube: https://www.youtube.com/c/GpmMedia

புதுக்கோட்டை மாவட்ட செய்திகளை வாட்ஸ் அப்பில் தெரிந்து கொள்ள எங்களது GPM மீடியா குழுமத்தில் இணைந்து கொள்ளுங்கள்... (கிளிக்) 

புதுக்கோட்டை மாவட்ட செய்திகளை டெலி கிராமில் தெரிந்து கொள்ள எங்களது GPM மீடியா குழுமத்தில் இணைந்து கொள்ளுங்கள்..(கிளிக்)