தமிழகத்தில் வருகிற 25 மற்றும் 26-ந் தேதிகளில் மீண்டும் மழை அதிகரிக்கக்கூடும் என்று வானிலை ஆய்வு மையம் முன்னறிவிப்பை வெளியிட்டு இருக்கிறது.
தமிழகத்தில் வடகிழக்கு பருவமழை தீவிரம் அடைந்து இருக்கிறது. இந்த மாதம் (நவம்பர்) தொடக்கத்தில் இருந்து தமிழகத்தில் பரவலாக பெய்த மழையால், பல்வேறு இடங்களில் அணைகள், ஏரிகள், ஆறுகள், குளங்கள் நிரம்பி வெள்ளப்பெருக்கு ஏற்பட்டு இருக்கிறது. தாழ்வான பகுதிகளில் இன்றளவும் தண்ணீர் தேங்கி கிடக்கிறது. அதன் தொடர்ச்சியாக இன்று (ஞாயிற்றுக்கிழமை) முதல் 24-ந் தேதி (புதன்கிழமை) வரை மழைக்கு வாய்ப்பு இருப்பதாக வானிலை ஆய்வு மையம் தெரிவித்துள்ளது.
அதன்படி, இன்று சேலம், நாமக்கல், கள்ளக்குறிச்சி மாவட்டங்களில் ஓரிரு இடங்களில் இடி மின்னலுடன் கூடிய கனமழையும், வட கடலோர தமிழகம் மற்றும் அதனை ஒட்டிய உள் மாவட்டங்கள், புதுச்சேரி, காரைக்காலில் சில இடங்களில் மிதமான மழையும், ஏனைய மாவட்டங்களில் சில இடங்களில் லேசான மழையும் பெய்யக்கூடும். நாளை (திங்கட்கிழமை) நீலகிரி, கோவை, திருப்பூர், நாமக்கல், கரூர், திருச்சி, புதுக்கோட்டை, டெல்டா மாவட்டங்களில் ஓரிரு இடங்களில் கனமழையும், ஏனைய மாவட்டங்கள் மற்றும் புதுச்சேரியில் அனேக இடங்களில் மிதமான மழையும் பெய்ய வாய்ப்பு இருக்கிறது.
நாளை மறுதினமும் (செவ்வாய்க்கிழமை), 24-ந் தேதியும் தென் மாவட்டங்களில் ஓரிரு இடங்களில் கன மழையும், ஏனைய மாவட்டங்கள், புதுச்சேரி, காரைக்காலில் அனேக இடங்களில் லேசானது முதல் மிதமான மழையும் பெய்யக்கூடும். அதனைத் தொடர்ந்து 25-ந் தேதியும், 26-ந் தேதியும் மீண்டும் தமிழகத்தில் மழை அதிகரிக்கக்கூடும் என்று ஆய்வு மையம் முன்னறிவிப்பை வெளியிட்டு இருக்கிறது.
நேற்று காலை 8.30 மணியுடன் முடிவடைந்த 24 மணி நேரத்தில் தமிழகத்தில், திருபுவனம், ஜமுனாமரத்தூர் தலா 7 செ.மீ., புதுக்கோட்டை, பள்ளிப்பட்டு, பந்தலூர், வாணியம்பாடி தலா 6 செ.மீ., நாட்றம்பள்ளி, திருச்செங்கோடு தலா 5 செ.மீ., திருப்போரூர், ஆலங்காயம், அய்யம்பேட்டை, பெரியார், ஆம்பூர் தலா 4 செ.மீ., தம்மம்பட்டி, குடியாத்தம், ஆத்தூர், சங்கராபுரம், காட்பாடி, புலிப்பட்டி, மாமல்லபுரம், ஆரணி, திருப்பத்தூர், மானாமதுரை, தாம்பரம், சத்தியபாமா பல்கலைக்கழகம், ஈரோடு, மணப்பாறை தலா 3 செ.மீ. உள்பட சில இடங்களில் மழை பெய்து இருக்கிறது.
வடகிழக்கு பருவமழை காலத்தில் தற்போது வரை தமிழகம் பெற்று இருக்கக்கூடிய இயல்பான மழை அளவு 30 செ.மீ. ஆகும். ஆனால் இயல்பை விட 68 சதவீதம் அதிகமாக 52 செ.மீ. வரை மழை பதிவாகியுள்ளது குறிப்பிடத்தக்கது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.