புதுக்கோட்டையில் கார், வாகனங்களின் பேட்டரிகளை திருடிய 2 வாலிபர்களை போலீசார் கைது செய்தனர். மேலும் தப்பியோடிய ஒருவரை போலீசார் தேடி வருகின்றனர்.
கார் திருட்டு
புதுக்கோட்டை சார்லஸ் நகரில் கார் ஷோரூமில் கடந்த ஜூலை மாதம் 6-ந் தேதி புதிய கார் ஒன்று திருட்டு போனது. இதேபோல திருக்கோகர்ணம் காவல் நிலைய எல்லைக்குட்பட்ட பகுதிகளிலும் மற்றும் நகர காவல் நிலைய எல்லைக்குட்பட்ட பகுதிகளிலும் நிறுத்தி வைக்கப்பட்டிருந்த லாரிகள், பொக்லைன் எந்திரங்களில் இருந்தும் பேட்டரிகள் தொடர்ந்து திருட்டுபோனது.
இந்த திருட்டில் ஈடுபட்டவர்களை பிடிக்க மாவட்ட போலீஸ் சூப்பிரண்டு வந்திதாபாண்டே உத்தரவின்படி மாவட்ட குற்றப்பிரிவு தனிப்படை மற்றும் புதுக்கோட்டை நகர உட்கோட்ட குற்றப்பிரிவு தனிப்படையினர் சேர்ந்து திருட்டு குற்றங்கள் நடந்த இடங்களில் இருந்த 100-க்கு மேற்பட்ட கண்காணிப்பு கேமராக்களை ஆய்வு செய்தனர்.
2 பேர் கைது
இந்த நிலையில் தனிப்படையினருக்கு கிடைத்த ரகசிய தகவலின் அடிப்படையில் திருச்சி மாவட்டம், மணிகண்டம் பகுதியை சேர்ந்த சுலைமான் மகன் நைனாமுகமது, சண்முகம் மகன் சதீஷ்குமார் (வயது 22), முருகன் மகன் கார்த்திக் (21) ஆகிய மூவரும் சேர்ந்து மேற்படி குற்ற செயல்களில் ஈடுபட்டது தெரியவந்தது.
இந்த நிலையில் புதுக்கோட்டை நகர பகுதிகளில் வாகன பேட்டரிகளை திருடிக் கொண்டு நேற்று மதியம் வெள்ளாற்று பாலத்தின் அருகே ஏற்கனவே திருடிய காரில் வந்து கொண்டிருந்தனர். அப்போது ரோந்தில் இருந்த போலீசார் காரை மடக்கி 3 பேரையும் பிடிக்க முயன்ற போது, அதில் நைனாமுகமது மட்டும் தப்பியோடினார். சதீஷ்குமார், கார்த்திக் ஆகிய 2 பேரையும் கைது செய்தனர்.
பேட்டரிகள் பறிமுதல்
கைதானவர்களிடம் விசாரித்ததில் புதுக்கோட்டை மாவட்டம் மட்டுமின்றி திண்டுக்கல், திருச்சி, தஞ்சாவூர், பெரம்பலூர் ஆகிய மாவட்டங்களிலும் பேட்டரிகளை திருடியது தெரியவந்தது. புதுக்கோட்டையில் ஷோரூமில் திருடிய காரை மீட்டதோடு, மேலும் வாகனங்களின் 15 பேட்டரிகளையும் பறிமுதல் செய்தனர்.
கைதான 2 பேர் மீது திருட்டு வழக்குகளும், கஞ்சா வழக்குகளும், நிலுவையில் உள்ளது. தப்பியோடிய நைனாமுகமது மீது பல்வேறு மாவட்டங்களில் திருட்டு வழக்குகளும் வழிப்பறி வழக்குகளும், கஞ்சா வழக்குகளும் நிலுவையில் உள்ளன. தப்பியோடிய அவரை கைது செய்ய தனிப்படையினர் நடவடிக்கை மேற்கொண்டுள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.