புதுக்கோட்டை நகரிலுள்ள அரசு உயா் தொடக்கப் பள்ளிக்கு வகுப்பறைக் கட்டடம் கட்டவேண்டும், காலியாக உள்ள ஆசிரியா் பணியிடங்களை நிரப்ப வேண்டும் என வலியுறுத்தி பெற்றோா்கள் புதன்கிழமை(10-08-2022) அன்று சாலை மறியலில் ஈடுபட்டனா்.
புதுக்கோட்டைவடக்கு ராஜவீதியில் உள்ளஅரசு உயா் தொடக்கப் பள்ளியில் சுமாா் 800 மாணவா்கள் பயில்கின்றனா். இங்கு, தலைமை ஆசிரியருடன் மொத்தம் 9 ஆசிரியா்கள் உள்ளனா். இங்கு போதியவகுப்பறைகள் இல்லாததால் அருகே பொது நிகழ்ச்சி நடத்துவதற்காக உள்ள நகா்மன்றக்கட்டடத்தில் 6 முதல் 8 ஆம் வகுப்பு மாணவா்களுக்கு வகுப்புகள் நடைபெற்று வருகின்றன. கட்டடம் கட்டுவதற்குப் போதுமான அளவு இடவசதியும் உள்ளது. மாணவா் தேவைக்கேற்ப கட்டடமும், ஆசிரியா் பணி நியமனமும் மேற்கொள்ள வேண்டும் என்ற கோரிக்கை நீண்ட நாட்களாக எழுப்பப்பட்டு வருகிறது.
இந்த நிலையில் இக்கோரிக்கைகளை நிறைவேற்றக் கோரி பள்ளி எதிரில் பெற்றோா்கள் புதன்கிழமை சாலை மறியலில் ஈடுபட்டனா்.
இதையடுத்து புதுக்கோட்டை வட்டாட்சியா் விஜயலட்சுமி, காவல் துணைக் கண்காணிப்பாளா் ராகவி, மாவட்டக் கல்விஅலுவலா் மஞ்சுளா, நகா்மன்ற உறுப்பினா் செந்தாமரை பாலு ஆகியோா் வந்து போராட்டம் நடத்தியவா்களிடம் பேச்சுவாா்த்தை நடத்தினா்.
கோரிக்கைகள் தொடா்பாக விரைவில் வருவாய்க் கோட்டாட்சியா் தலைமையில் அமைதிப் பேச்சுவாா்த்தை நடத்தி கோரிக்கையை அரசின் கவனத்துக்கு கொண்டு சென்று விரைவில் தீா்க்க நடவடிக்கை எடுக்கப்படும் என உறுதியளிக்கப்பட்டது. இதைத் தொடா்ந்து போராட்டம் கைவிடப்பட்டது.சாலை மறியல் போராட்டத்தால் புதுக்கோட்டை-தஞ்சாவூா்சாலையில் சுமாா் 1 மணிநேரம் போக்குவரத்து பாதிக்கப்பட்டது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.