புதுக்கோட்டை மாவட்டம் ஆவுடையார்கோவில் தாலுகா மீமிசல் அருகே உள்ள கடற்கரை பகுதியான முத்துக்குடாவில் சுற்றுலா தலம் அமைக்க வேண்டும் என்பது பொதுமக்களின் கோரிக்கையாக இருந்தது. அங்கு அலையாத்தி காடுகள் உள்ளன. படகு மூலம் சென்று அலையாத்தி காடுகளை சுற்றி பார்க்க ஏற்பாடு செய்யவும் வலியுறுத்தி வந்தனர்.
சுற்றுலா தளம் அமைக்க வேண்டும் என்று அறந்தாங்கி சட்டமன்ற உறுப்பினர் எஸ்.டி.இராமச்சந்திரன் சட்டமன்றத்தில் சிறப்பு கவனயீர்ப்பு கூட்டத்தில் உரையாற்றினார். இதையடுத்து மாவட்ட நிர்வாகத்தின் மூலம் முத்துக்குடா பகுதியை சுற்றுலா தலமாக்க நடவடிக்கை மேற்கொள்ளப்பட்டது. மேலும் முத்துக்குடா கடற்கரை பகுதியில் ரூ.3 கோடியில் சுற்றுலா தலம் அமைக்கப்படும் என சட்டசபையில் அறிவிப்பு வெளியானது.
இந்த நிலையில் சுற்றுலா தலம் அமைப்பதற்காக இடம் தேர்வு செய்யும் பணி நடைபெற்று வந்தது. கடற்கரையையொட்டி அருகில் உள்ள தரிசு நிலங்களில் சுற்றுலா தலம் அமைக்க இடம் தேர்வு செய்யப்பட்டது. தற்போது 15 ஏக்கர் இடம் தேர்வு செய்து அதனை சுற்றுலாத்துறைக்கு வருவாய்த்துறை ஒதுக்கி உள்ளது. அதற்கான ஆணை வருவாய்த்துறையிடம் இருந்து வந்துள்ளதாக அதிகாரிகள் தெரிவித்தனர்.
அதன் அடிப்படையில் முத்துகுடாவில் சுற்றுலா தளம் அமைக்க 15 ஏக்கர் இடம் ஒதுக்கீட்டில் ரூ.3 கோடி செலவில் கட்ட நேற்று 15/05/2023 அறந்தாங்கி சட்டமன்ற உறுப்பினர் எஸ்.டி.இராமச்சந்திரன் அடிக்கல் நாட்டி பணியை தொடங்கி வைத்தார்.
இந்நிகழ்வில் ஆவுடையார்கோவில் ஒன்றிய துணைப் பெருந்தலைவர் பிரியா குப்புராஜா, மாவட்ட ஒன்றிய குழு உறுப்பினர் கே.கே.சி.ராமநாதன் மற்றும் உள்ளாட்சி பிரதிநிதிகள் உட்பட 50-க்கும் மேற்பட்ட ஊர் பிரமுகர்கள் இந்நிகழ்வில் கலந்து கொண்டனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.