ஆசிய கோப்பை பைனலில் இந்தியாவுக்கு எதிரான போட்டியில் இலங்கை அணி 15.2 ஓவரில் 50 ரன்களுக்கு அனைத்து விக்கெட்களையும் இழந்தது. இந்திய அணியின் முகமது சிராஜ் அபாரமாக பந்து வீசி 6 விக்கெட்களை வீழ்த்தினார். அடுத்து களமிறங்கிய இந்திய அணி விக்கெட் இழப்பின்றி 6.1 ஓவரில் இலக்கை எட்டி, 8வது முறையாக ஆசிய கோப்பை வென்று சாதித்துள்ளது.
ஆசிய கோப்பை கிரிக்கெட் தொடர் (50 ஓவர்) இலங்கையில் நடக்கிறது. ‛சூப்பர்-4' சுற்றில் முதல் இரண்டு இடங்களை பிடித்த, இந்தியா, இலங்கை அணிகள் பைனலுக்கு முன்னேறின. இன்று (செப்.,17) கொழும்பு பிரேமதாசா மைதானத்தில் நடந்த பைனலில் இரு அணிகளும் மோதின. ‛டாஸ்' வென்ற இலங்கை அணி ‛பேட்டிங்' தேர்வு செய்தது.
துவக்கம் முதலே இந்திய அணியின் பந்து வீச்சாளர்கள் ஆதிக்கம் செலுத்தினர். முதல் ஓவரிலேயே பும்ராவிடம் இலங்கை அணி முதல் விக்கெட்டை இழந்தது. பிறகு களமிறங்கிய வீரர்கள் சொற்ப ரன்களுக்கு அடுத்தடுத்து முகமது சிராஜ் பந்தில் ஆட்டமிழந்தனர். ஒரு கட்டத்தில் 6 விக்கெட்களுக்கு 12 ரன்கள் மட்டுமே எடுத்து தடுமாறியது. மற்ற வீரர்களும் விரைவில் பெவிலியன் திரும்ப இலங்கை அணி 15.2 ஓவரில் 50 ரன்களுக்கு அனைத்து விக்கெட்களையும் இழந்தது.
இந்தியாவுக்கு எதிராக ஒரு அணி எடுத்த குறைந்தபட்ச ரன்னாக , இது பதிவானது.
அபாரமாக பந்துவீசிய இந்திய அணி பந்துவீச்சாளர் முகமது சிராஜ் 7 ஓவரில் 21 ரன்கள் விட்டுக்கொடுத்து 6 விக்கெட்களை சாய்த்தார். ஹர்திக் பாண்டியா 2.2 ஓவரில் 3 ரன்களை விட்டுக்கொடுத்து 3 விக்கெட்களை சாய்த்தார்.
6.1 ஓவரில் வெற்றி
எளிய இலக்கை விரட்டிய இந்திய அணிக்கு சுப்மன் கில், இஷான் கிஷன் துவக்கம் வந்தனர். இருவரும் இலங்கை பந்துவீச்சை விளாசினர். 6.1 ஓவரிலேயே விக்கெட் இழப்பின்றி இலக்கை அடைந்து 263 பந்துகளை மீதம் வைத்து வெற்றி பெற்று இந்தியா சாதனை படைத்தது. இஷான் கிஷன் 23 ரன்களுடனும், சுப்மன் கில் 27 ரன்களுடனும் ஆட்டமிழக்காமல் இருந்தனர். இந்த வெற்றியின் மூலம் 8வது முறையாக இந்திய அணி ஆசிய கோப்பை வென்று அசத்தியது.
ஒன்பது ஒற்றை இலக்கம்
இலங்கை அணியில் குசால் மென்டிஸ் தவிர மற்ற ஒன்பது பேரும் ஒற்றை இலக்கத்தில் வெளியேறினர். துஷான் ஹேமந்தா 13 ரன்னில் ஆட்டமிழக்காமல் இருந்தார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.