திருச்சி விமான நிலையத்தில் இருந்து வியட்நாமுக்கு நேரடி விமான சேவை தொடங்கி உள்ளது. வியட்நாமில் இருந்து 50 பயணிகள் முதற்கட்டமாக வந்த நிலையில் திருச்சியில் இருந்து வியட்நாமுக்கு 100 பேர் புறப்பட்டு சென்றனர்.
தமிழ்நாட்டில் சென்னை, கோவை, திருச்சி, மதுரையில் பன்னாட்டு விமான நிலையங்கள் அமைந்துள்ளது. மாறாக தூத்துக்குடி, சேலம், வேலூர் உள்ளிட்ட இடங்களில் உள்நாட்டு விமான நிலையங்கள் அமைந்துள்ளது.
திருச்சி விமான நிலையத்தில் இருந்து வெளிநாடுகளுக்கு விமானங்கள் இயக்கப்பட்டு வருகிறது. குறிப்பாக மலேசியா, சிங்கப்பூர், மஸ்கட், ஓமன், துபாய், அபுதாபி, சார்ஜா, பஹ்ரைன், இலங்கை உள்ளிட்ட நாடுகளுக்கு விமானங்கள் இயக்கப்பட்டு வருகிறது.
இதையடுத்து வியட்நாமுக்கு விமான சேவை இயக்க வேண்டும் என்ற கோரிக்கைகள் எழுந்தன. இதையடுத்து வியட்நாமுக்கு நேரடி விமான சேவையை வியட் ஜெட் நிறுவனம் தொடங்க முடிவு செய்தது. அதன்படி தற்போது திருச்சி விமான நிலையத்தில் இருந்து நேரடியாக வியட்நாமுக்கு விமான சேவை தொடங்கி உள்ளது.
முதற்கட்டமாக நேற்று நள்ளிரவு 11.27 மணிக்கு வியட்நாமில் இருந்து திருச்சி விமான நிலையத்திற்கு முதல் விமானம் வந்தது. இதில் 50 பயணிகள் வந்திறங்கினர். பிறகு திருச்சி விமான நிலையத்தில் இருந்து நள்ளிரவு 12.40 மணிக்கு அந்த விமானம் வியட்நாமுக்கு புறப்பட்டு சென்றது. 100 பயணிகளுடன் இந்த விமானம் புறப்பட்டுச் சென்றது.
இந்த திருச்சி-வியட்நாம் விமான சேவையானது வாரத்தில் 3 நாட்கள் இயங்க உள்ளது. அதன்படி திருச்சியில் இருந்து திங்கள், புதன், வெள்ளிக்கிழமைகளில், வியட்நாமில் இருந்து செவ்வாய், வியாழன், சனிக்கிழமைகளில் விமானங்கள் இயங்க உள்ளன. முன்னதாக விமான சேவை துவக்க நிகழ்ச்சி திருச்சி விமான நிலையத்தில் நடைபெற்றது.
இதில் விமான நிலைய இயக்குனர் சுப்பிரமணி குத்து விளக்கு ஏற்றி தொடங்கி வைத்தார். இந்த நிகழ்ச்சியில் விமான நிலைய பொது மேலாளர் கோபாலகிருஷ்ணன், துணை பொது மேலாளர் ஜலால் மற்றும் விமான நிறுவன பொறுப்பாளர் ஹேமசேகர், அதிகாரி இளவரசன் உள்ளிட்டோர் பங்கேற்றனர். மேலும் இந்த விமானத்தில் பயணம் செய்ய இருந்த பயணிகளை விமான நிறுவனத்தின் சார்பில் பூங்கொத்து கொடுத்து வரவேற்றனர்
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.