ஆன்லைன் வர்த்தகம் மூலம் அதிக பணம் சம்பாதிக்கலாம் எனக்கூறி ராமநாதபுரத்தை சேர்ந்தவரிடம் ரூ.45 லட்சம் மோசடியில் ஈடுபட்டவர்கள் குறித்து சைபர் கிரைம் போலீசார் தீவிர விசாரணை நடத்தி வருகின்றனர்.
ஆன்லைன் வர்த்தகம்
ராமநாதபுரத்தை சேர்ந்தவர் ஜெயபால் (வயது 50). கடை வைத்து சுய தொழில் செய்து வருகிறார். இவரது செல்போன் எண்ணிற்கு வாட்சப்பில் ஒரு குறுந்தகவல் வந்தது. அதில் ஆன்லைன் வர்த்தகம் மூலம் அதிகம் பணம் சம்பாதிக்கலாம் என்று கூறப்பட்டிருந்தது. இதுகுறித்து ஜெயபால் விசாரித்தபோது பிரபல வர்த்தக நிறுவனத்தின் வாட்ஸ்அப் குழுவின் இணைப்பு ஒன்றை மர்ம நபர்கள் அனுப்பியுள்ளனர். அந்த இணைப்பில் சென்று ஜெயபால் சுய விவரங்களை பதிவு செய்து அவர்கள் அளித்த வேலைகளை செய்துள்ளார். இவ்வாறு செய்தபோது அவருக்கு முதல் கட்டமாக ரூ.20 ஆயிரம் கிடைத்தது.
தொடர்ந்து இவ்வாறு ஆன்லைன் வர்த்தகத்தில் அதிக பணம் சம்பாதிக்கலாம் என்று ஆசை வார்த்தை கூறியதால் அதனை நம்பி ஜெயபால் அடுத்தடுத்து அவர்கள் தெரிவித்த வங்கி கணக்கிற்கு பணத்தை செலுத்தி ஆன்லைன் டிரேடிங்கில் ஈடுபட்டார். மேலும் எவ்வளவு அதிக பணம் முதலீடு செய்கிறீர்களோ அதே அளவு ஆன்லைன் வர்த்தகத்தில் பணம் இரட்டிப்பாக கிடைக்கும் என்று மர்ப நபர்கள் ஆசை வார்த்தை கூறியதால் ஜெயபால் அதிக அளவு முதலீடு செய்ய தொடங்கினார்.
சைபர் கிரைம் போலீசார் விசாரணை
அவர்களின் பேச்சை நம்பி ஜெயபால் ரூ.45 லட்சம் வரை செலுத்திய நிலையில் திடீரென மேற்கண்ட பிரபல ஆன்லைன் வர்த்தக டிரேடிங் செயலி செயல்பாடு நிறுத்தப்பட்டதாக கூறப்படுகிறது. இதனால் அதிர்ச்சி அடைந்த ஜெயபால் இது குறித்து விசாரித்த போது தான் ஏமாற்றப்பட்டதை உணர்ந்தார். பின்னர் அவர் இதுகுறித்து சைபர்கிரைம் இணையதளத்தில் புகார் செய்தார். அதன்பேரில் ராமநாதபுரம் போலீஸ் சூப்பிரண்டு சந்தீஷ் உத்தரவின் பேரில் சைபர்கிரைம் போலீசார் தீவிர விசாரணை நடத்தி வருகின்றனர்.
ராமநாதபுரம் மட்டுமல்லாது இந்தியா முழுவதும் மேற்கண்ட பிரபல ஆன்லைன் வர்த்தக டிரேடிங் நிறுவனத்தின் பெயரில் பலரிடம் கோடிக்கணக்கில் பணம் பெற்று மோசடி செய்திருப்பது விசாரணையில் தெரியவந்துள்ளது. ஜெயபால் அளித்த புகாரின் அடிப்படையில் சைபர் கிரைம் போலீசார் அவர் பணம் செலுத்திய வங்கி கணக்குகளை முடக்கம் செய்து அதில் உள்ள பணத்தை மீட்கும் முயற்சியில் தீவிரமாக ஈடுபட்டுள்ளனர்
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.