முன்விரோதத்தில் வாலிபரின் தலையில் குழவிக்கல்லை போட்டு கொன்ற நண்பரை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது:-
முகம் சிதைந்த நிலையில் பிணம்
ராமநாதபுரம் மாவட்டம் திருவாடானை தாலுகா நம்புதாளை மேலத்தெருவை சேர்ந்தவர் சிராஜுதீன் மகன் முகமது அபூபக்கர் (வயது 26). ஓட்டல் தொழிலாளி. அதே பகுதியை சேர்ந்த முகமது அலி ஜின்னா என்பவரது மகன் மிர்சன் அலி (38). ஓட்டல் தொழிலாளி. இருவரும் நண்பர்கள். நேற்று முன்தினம் இரவு வீட்டில் இருந்து வெளியே சென்ற முகமது அபூபக்கர், வீடு திரும்பவில்லை. இந்தநிலையில் மிர்சன் அலியின் வீட்டின் பின்புறம் முகமது அபூபக்கர் முகம் சிதைந்த நிலையில் பிணமாக கிடப்பதாக அவரது குடும்பத்தினருக்கு தகவல் கிடைத்தது. அங்கு சென்ற அவரது குடும்பத்தினர் அபூபக்கரின் உடலை கண்டு கதறி அழுதனர்.
இதுகுறித்து முகமது அபூபக்கரின் தந்தை சிராஜுதீன், தொண்டி போலீசில் புகார் அளித்தார். அதன்பேரில் திருவாடானை துணை போலீஸ் சூப்பிரண்டு நிரேஷ், தலைமையில் பயிற்சி போலீஸ் துணை சூப்பிரண்டு யாஸ்மின் பானு மற்றும் போலீசார் சம்பவ இடத்திற்கு சென்று விசாரணை நடத்தினர். மேலும் தடயவியல் நிபுணர்கள் மற்றும் மோப்ப நாய் வரவழைக்கப்பட்டு சோதனை நடத்தப்பட்டது. பின்னர் அபூபக்கரின் உடலை பரிசோதனைக்காக ராமநாதபுரம் அரசுஆஸ்பத்திரிக்கு அனுப்பி வைத்தனர்.
நண்பரிடம் விசாரணை
இதுதொடர்பாக அவரது நண்பர் மிர்சன் அலியை பிடித்து போலீசார் விசாரணை நடத்தினர். அதில் பல திடுக்கிடும் தகவல்கள் தெரிய வந்தது. அவரிடம் நடத்திய விசாரணை குறித்து போலீசார் தெரிவித்துள்ளதாவது:- மிர்சன் அலிக்கு திருமணமாகி இரண்டு குழந்தைகள் உள்ளனர். அவருக்கும் அவரது மனைவிக்கும் கருத்து வேறுபாடு இருந்து வந்தது. மேலும் மிர்சன் அலியின் மனைவிக்கும் முகமது அபூபக்கருக்கும் தகாத உறவு இருந்து வந்துள்ளது. இதனை அறிந்த மிர்சன் அலி ஆத்திரம் அடைந்தார். இதனால் அவர்களுக்குள் முன் விரோதம் இருந்து வந்துள்ளது.
குழவிக்கல்லை போட்டு கொன்றார்
நேற்று முன்தினம் இரவு முகமது அபூபக்கரும், மிர்சன் அலியும் இவரது வீட்டின் பின்புறத்தில் ஒன்றாக மது அருந்தி உள்ளனர். அப்போது இருவருக்கும் இடையே வாக்குவாதம் ஏற்பட்டுள்ளது. இதில் ஆத்திரம் அடைந்த மிர்சன் அலி, முகமது அபூபக்கரின் தலையில் அருகில் கிடந்த குழவிக்கல்லை போட்டதாகவும், இதில் தலை நசுங்கி முகம் சிதைந்த நிலையில் சம்பவ இடத்திலேயே முகமது அபூபக்கர் பரிதாபமாக உயிரிழந்ததாகவும் தெரியவருகிறது. இவ்வாறு போலீசார் தெரிவித்தனர்.
இச்சம்பவம் தொடர்பாக தொண்டி போலீஸ் சப்-இன்ஸ்பெக்டர் ஆசைக்குமார் வழக்குப்பதிவு செய்து மிர்சன் அலியை கைது செய்தனர். அவரிடம் தொடர்ந்து விசாரணை நடத்தி வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.