புதுக்கோட்டை மாவட்டம் கட்டுமாவடி ஊராட்சியில் சுமார் ஐயாயிரத்துக்கும் மேற்பட்ட மக்கள் வசித்து வருகின்றனர். இப்பகுதியில் உள்ள உப்பளம் சாலை சேதமடைந்து பலமுறை புகார் அளித்தும் இதுவரை எந்த நடவடிக்கையும் எடுக்கப்படவில்லை.
இந்நிலையில் இந்த உப்பள சாலையும், முஸ்லிம் தெரு வழியாக கடற்கரைக்குச் செல்லும் இணைப்புச் சாலையும் கடும் சேதமடைந்துள்ளது. இந்தச் சாலை கடந்த 2001ம் ஆண்டு போடப்பட்டதாகும். அதன்பிறகு 4 ஊராட்சித் தலைவர்களும் பதவி முடிந்து சென்றுவிட்டனர். இந்த சாலை சேதமடைந்து மணல் திட்டுகளாக தெரிகிறது. இவ்வழியே அதிகமான பள்ளி வாகனங்கள் செல்கின்றன. அதிகளவில் வாகனங்கள் செல்வதால் மணல் மற்றும் தூசி பறந்து புகை மண்டலமாக காட்சியளிக்கிறது.
இதனால் சாலையில் செல்பவர்களுக்கு கண் எரிச்சலும், மூச்சுத் திணறலும் ஏற்படுகிறது. இதேபோன்று மழைக்காலங்களில் நடந்து செல்ல முடியாமல் சேறும், சகதியாக மாறிவிடுகிறது.
இந்த சாலை அரசு மேல்நிலைப்பள்ளி, அரசு தொடக்கப் பள்ளி, தனியார் மெட்ரிக் நர்சரி பள்ளி, துணை சுகாதார நிலையம், கிழக்கு கடற்கரை சாலை, உப்பளம் ரோடு, முஸ்லிம் தெரு, பள்ளிவாசல் தெரு, ஹாஜியார் நகர், மரைக்காயர் தெரு, மீனவர் தெரு மற்றும் கடற்கரைக்கு செல்லும் வழியாக உள்ளது.
இந்த சாலை 2001ம் ஆண்டு அறந்தாங்கி தொகுதி எம்எல்ஏவாக இருந்த அரசன் தனது சட்டமன்ற தொகுதி வளர்ச்சி நிதியிலிருந்து சாலை அமைக்க உதவி செய்தார். தற்போது இந்த சாலை பல ஆண்டுகளை கடந்து விட்டதால் மோசமான நிலையில் உள்ளது. எனவே போர்க்கால அடிப்படையில் சாலையை சீரமைத்து புதிய தார்சாலை அமைக்க வேண்டும் என்பதே அனைத்து மக்களின் கோரிக்கையாக உள்ளது.
நன்றி: தினகரன்
.jpg)
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.