சவூதி அரேபியா தம்மாமில் நவாஸ் கனி MP-யுடன் கோபாலப்பட்டிணம் GPM மக்கள் மேடை உறுப்பினர்கள் சந்திப்பு..



சவுதி அரேபியா தம்மாமில் சவூதிவாழ் இராமநாதபுரம் பாராளுமன்ற தொகுதி மக்கள் ஒன்றிணைந்து கடந்த 11.10.2019 வெள்ளிக்கிழமை மாலை 3.00 மணியளவில் ரோஸ் ரெஸ்டாரண்டில் பாராளுமன்ற உறுப்பினர் மாண்புமிகு. நவாஸ்கனி அவர்களுடன் கலந்துரையாடல் சிறப்பு நிகழ்ச்சி நடைபெற்றது.

இந்நிகழ்வில் கோபாலப்பட்டிணத்தை சேர்ந்த GPM மக்கள் மேடை ஆலோசனைக் குழு உறுப்பினர்கள் மற்றும் GPM மக்கள் மேடை உறுப்பினர்கள் கலந்துகொண்டனர்.

கலந்துரையாடல் நிகழ்ச்சி நிறைவு பெற்றவுடன் நமது இராமநாதபுரம் பாராளுமன்ற உறுப்பினர் மாண்புமிகு. நவாஸ் கனி அவர்கள் சுமார் 15 நிமிடங்கள் ஒதுக்கி தந்த நிலையில் GPM மக்கள் மேடை ஆலோசனை குழு உறுப்பினர்கள் மற்றும்  GPM மக்கள் மேடை உறுப்பினர்கள் மாண்புமிகு. நவாஸ் கனி அவர்களை சந்தித்தோம். அப்போது GPM மக்கள் மேடையின் சாதனைகள் மற்றும் சேவைகள் பற்றி ஆலோசனை குழு உறுப்பினர்கள் மாண்புமிகு. நவாஸ் கனி அவர்களிடம் எடுத்துரைத்தார்கள். அப்போது மாண்புமிகு. நவாஸ் கனி அவர்கள் கூறுகையில் நாங்கள் செய்ய வேண்டிய பணியை நீங்கள் செய்து கொண்டு இருக்கிறீர்கள் என பாராட்டினார். மேலும் வருகிற 19.10.2019 அன்று நடைபெற உள்ள ஆம்புலன்ஸ் அர்ப்பணிப்பு விழாவில் கலந்து கொண்டு சிறப்பிக்க உள்ள அவர்களுக்கு GPM ஆலோசனை குழு உறுப்பினர்களும் மற்றும் GPM மக்கள் மேடை உறுப்பினர்களும் நன்றியை தெரிவித்து கொண்டனர்.

சந்திப்பின்போது GPM மக்கள் மேடை உறுப்பினர்கள் மாண்புமிகு. நவாஸ் கனி அவர்களிடம் நமதூரின் முக்கிய தேவைகள் பற்றி கோரிக்கை வைத்தனர். மேலும் GPM மக்கள் மேடை சார்பாக விரைவில் அனைத்து கோரிக்கைகளும் மனுவாக அளிக்கப்பட உள்ளது என்பதையும் இதன் மூலம் தெரிவித்துக் கொள்கிறோம்.

தகவல்: ஆலோசனை குழு 4, GPM மக்கள் மேடை, கோபாலப்பட்டிணம்.



கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!

Post a Comment

0 Comments