கண்காணிப்பு கேமராவை தொடா்ந்து செயல்பாட்டில் வைத்திருக்க வேண்டும்



குற்றச்சம்பவங்களை வெளிச்சத்திற்கு கொண்டு வரும் கண்காணிப்பு கேமராவைத் தொடா்ந்து செயல்பாட்டில் வைத்திருக்க வேண்டும் என்றாா் மாவட்ட காவல் கண்காணிப்பாளா் பெ.வே.அருண் ஷக்தி குமாா்.
பொன்னமராவதி அருகே உள்ள வேகுப்பட்டி ஊராட்சியில் கண்காணிப்பு புகைப்படக் கருவி பொருத்தும் பணி தொடக்க விழாவில் பங்கேற்று அவா் மேலும் பேசியது: காவல் துறையினரால் 24 மணிநேரமும் பாதுகாப்பு அளிக்க முடியாது. கண்காணிப்பு கேமராவைப் பொருத்துவதன் மூலம் கேமரா பதிவுகள் மூலம் எளிதாக குற்றவாளிகளைப் பிடித்துவிடலாம். எதையும் ஆரம்பிப்பது எளிது, தொடா்ந்து கடைபிடிப்பது கடினம் எனக்கூறுவாா்கள். அந்தவகையில் கண்காணிப்பு கேமராவைத் தொடா்ந்து செயல்படுகிறதா என கண்காணித்து வரவேண்டும். அதுபோல நடப்பட்ட மரக்கன்றுகளை தொடா்ந்து நீா் ஊற்றி பராமரிக்க வேண்டும். தலைக்கவசம் அணியும் பழக்கத்தை தொடா்ந்து கடைப்பிடிக்கவேண்டும் என்றாா். தொடா்ந்து பொதுமக்களுக்கு இலவச மரக்கன்றுகளை வழங்கி, முக்கிய வீதிகளில் மரக்கன்றுகளை நட்டாா்.

விழாவிற்கு, தொழிலதிபா் பி.கே.வை.குமாரசாமி தலைமை வகித்தாா். ஊராட்சி காவல் துணை கண்காணிப்பாளா் பி. தமிழ்மாறன், காவல் ஆய்வாளா்கள் எஸ். கருணாகரன், பி. பிரான்சிஸ் மேரி, எம். பத்மா ஆகியோா் முன்னிலை வகித்தனா். ஊராட்சி மன்றத் தலைவா் ச.சோலையப்பன், ப.முருகேசன், வேகுப்பட்டி ஊராட்சி மன்றத் துணைத் தலைவா் பெரி.முத்து, தோ்தல் துணை வட்டாட்சியா் பிரகாஷ், கிராம நிா்வாக அலுவலா் ஹேமலதா மற்றும் ஊராட்சி உறுப்பினா்கள் உள்ளிட்டோா் பங்கேற்றனா். வேகுப்பட்டி ஊராட்சி மன்ற தலைவா் மெ.அா்ச்சுணன் நன்றி கூறினாா்.

முன்னதாக பொன்னமராவதி பேருந்துநிலையம் எதிரே பொன்னமராவதி காவல்துறை மற்றும் பொன்னமராவதி மாணவா் இளைஞா் கூட்டமைப்பு பேரவை அமைப்பு சாா்பில் வாகன ஓட்டிகளுக்கு தலைக்கவசம் வழங்கும் விழா நடைபெற்றது. இதில் பெண்கள் மற்றும் வாகன ஓட்டிகள் சுமாா் 50-க்கும் மேற்பட்டவா்களுக்கு தலைக்கவசம் இலவசமாக வழங்கப்பட்டு சாலை பாதுகாப்பு விதிமுறைகள் அறிவுறுத்தப்பட்டது. கூட்டமைப்பின் ஒருங்கிணைப்பாளா் சுதாரவி நிகழ்வினை ஒருங்கிணைத்தாா்.

கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!

Post a comment

0 Comments