குடிதண்ணீர் குடம் ரூ. 10 க்கு வாங்கிக் கொண்டிருந்த கிராம மக்களுக்கு 20 லிட்டர் ரூ. 5 க்கு வழங்கும் திட்டம் பல இடையூறுகளுக்கு மத்தியில் செயல்பாட்டுக்கு கொண்டு வந்துவிட்டார்கள் ஏம்பல் கிராமத்தைச் சேர்ந்த முன்னாள் மாணவர்கள் சங்கத்தினர்.
புதுக்கோட்டை மாவட்டம் ஆவுடையார்கோயில் தாலுகாவில் உள்ள கடைக்கோடி கிராமம் ஏம்பல். முழுக்க முழுக்க வானம் பார்த்த பூமி. மழைத் தண்ணீரை மட்டுமே நம்பி விவசாயம் செய்யும் மக்கள். மழை பொய்த்தால் விவசாயமும் பொய்த்துப் போகும். ஆனால் குழந்தைகளை படிக்கை வைத்த கிராம மக்கள் பொறியாளர்கள், ஆசிரியர்கள், என பல துறைகளிலும் பணியாற்றும் இளைஞர்களை உருவாக்கிவிட்டனர் கிராம மக்கள். இப்படி வளர்ந்த இளைஞர்கள் முன்னாள் மாணவர்கள் என்ற பெயரில் இணைந்து தங்கள் கிராமத்தை உயர்த்த வேண்டும் என்று திட்டமிட்டனர்.
அதற்காக பொருளாதார உதவிகளுடன் களப்பணியிலும் ஈடுபடத் தொடங்கினார்கள். அரசுப் பள்ளியில் தொடங்கி, அரசு மருத்துவமனை, நீர்நிலைகள் சீரமைப்பு, சாலைப் பணிகள் என்று அடுத்தடுத்து பல பணிகளை சிறப்பாக செய்தனர். பல வருடங்களாக மூடிக் கிடந்த வாரச் சந்தையை திறந்து சாதித்தனர். ஒவ்வொரு பணிக்கும் அரசுக்கு விண்ணப்பித்து அவற்றை பெற்றும் கிராம வளர்ச்சிக்காக கொண்டு வந்தனர்.
இப்படி ஒரு திட்டம் தான் கிராமங்களிலும் சுத்திகரிக்கப்பட்ட குடிநீர் திட்டம்.. கடந்த நிதி ஆண்டில் தமிழ்நாடு முழுவதும் 1500 க்கும் கிராமங்களில் தலா ரூ. 8 லட்சம் மதிப்பில் மணிக்கு ஆயிரம் லிட்டர் சுத்திகரிக்கும் ஆர்.ஒ. பிளாண்ட்கள் அமைக்க அறிவிப்பு வெளியானது. அதில் புதுக்கோட்டை மாவட்டத்தில் 68 பணிகள். அதில் ஒன்று தான் ஏம்பல் கிராமத்திற்கு ஒதுக்கப்பட்டது.
முன்னாள் மாணவர்களின் கண்காணிப்பில் தொடர்ந்து தொய்வின்றி பணிகள் செய்யப்பட்டு வந்த நிலையில் ஒரு சில அதிகாரிகள் அதற்கும் முட்டுக்கட்டை போட அவற்றை மாவட்ட ஆட்சியர் உமாமகேஸ்வரி கவனத்திற்கு கொண்டு சென்று அனைத்துப் பணிகளையும் சிறப்பாக செய்து முடித்தனர்.
இந்த நிலையில் நேற்று சோதனை செய்யப்பட்ட நிலையில் இன்று பொதுமக்களின் பயன்பாட்டுக்கு கொண்டுவரப்பட்டுள்ளது. அதாவது ரூ. 5 போட்டால் 20 லிட்டர் சுத்திகரிக்கப்பட்ட குடிநீர் வரும். இந்த திட்டத்தால் மக்கள் மகிழ்ச்சியடைந்துள்ளனர்.
இது குறித்து அப்பகுதி பெண்கள் கூறும் போது..., முன்னாள் மாணவர்களால் பல நலத்திட்டங்கள் செயல்படுத்தப்பட்டு வருகிறது. அதேபோல அரசு திட்டங்களும் கொண்டுவரப்படுகிறது. அதில் ஒரு திட்டம் இந்த குடிதண்ணீர் சுத்திகரிப்பு திட்டம். குடிதண்ணீர் தொட்டி அருகே அமைக்கப்பட்டுள்ள இந்த பிளான்டில் ஒரு மணி நேரத்திற்கு ஆயிரம் லிட்டர் சுத்திகரிக்கப்பட்ட குடிநீர் வெளிவருகிறது.
இப்ப வரைக்கு ஒரு குடம் ரூ.10 க்கு விலை கொடுத்து தண்ணீரை வாங்கி பருகினோம். இனி ரூ. 5 க்கு 20 லிட்டர் தண்ணீர் பிடிக்கலாம். காசை போட்டால் 20 லிட்டர் தண்ணீர் வரும்.
புதுக்கோட்டை மாவட்டம் கோபாலப்பட்டிணத்தில் கடந்த ஆண்டு 08.04.2019 அன்று GPM மக்கள் மேடை என்ற சமூக அறக்கட்டளை மூலம் GPM மக்கள் மேடையில் அங்கம் வகிக்கும் உறுப்பினர்கள் மற்றும் ஊரின் மண்ணின் மைந்தர்களிடம் நன்கொடைகள் பெற்று ரூ.27 லட்சம் மதிப்பில் பொதுமக்கள் பயன்பெறும் வகையில் புதுக்கோட்டை மாவட்டத்தில் முதல் முறையாக இத்திட்டத்தை செயல்படுத்தியது குறிப்பிடத்தக்கது.
புதுக்கோட்டை மாவட்டம் கோபாலப்பட்டிணத்தில் கடந்த ஆண்டு 08.04.2019 அன்று GPM மக்கள் மேடை என்ற சமூக அறக்கட்டளை மூலம் GPM மக்கள் மேடையில் அங்கம் வகிக்கும் உறுப்பினர்கள் மற்றும் ஊரின் மண்ணின் மைந்தர்களிடம் நன்கொடைகள் பெற்று ரூ.27 லட்சம் மதிப்பில் பொதுமக்கள் பயன்பெறும் வகையில் புதுக்கோட்டை மாவட்டத்தில் முதல் முறையாக இத்திட்டத்தை செயல்படுத்தியது குறிப்பிடத்தக்கது.
இதே போல தமிழ்நாடு முழுவதும் திட்டம் செயல்படத் தொடங்கினால் மக்கள் குடிதண்ணீருக்காக செய்யும் செலவை கொஞ்சம் குறைக்கலாம்.
GPM மக்கள் மேடை..! யார் அவர்கள்..? தெரிந்து கொள்வோம்..
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.