கொரோனா வைரஸ் தடுப்பு முன்னெச்சரிக்கை நடவடிக்கைகள் குறித்து புதுக்கோட்டை கலெக்டர் அலுவலகத்தில் அரசு அலுவலர்களுடனான ஆலோசனை கூட்டம் நேற்று நடைபெற்றது. கூட்டத்திற்கு கலெக்டர் உமா மகேஸ்வரி தலைமை தாங்கி பேசுகையில், பள்ளிகளில் பயிலும் மாணவ, மாணவிகளுக்கு காய்ச்சல் ஏதேனும் இருந்தால் பள்ளிக்கு விடுப்பு எடுத்து கொண்டு சிகிச்சை பெற்று குணமடைந்த பிறகு பள்ளிக்கு வர வேண்டும். அரசு மற்றும் தனியார் மருத்துவமனைகள், நகராட்சிகள், பேரூராட்சிகள் மற்றும் ஊராட்சி ஒன்றியங்களில் 5 சதவீதம் லைசால், 1 சதவீதம் ஹைப்போ குளோரைடு கரைசல் கொண்டு தொற்று நீக்கம் செய்யப்பட்டு வருகிறது.
புதுக்கோட்டை அரசு மருத்துவக்கல்லூரி மருத்துவமனை மற்றும் அறந்தாங்கி அரசு தலைமை மருத்துவமனைகளில் கொரோனா வைரசுக்கு தனி வார்டுகள் ஏற்படுத்தப்பட்டு மருத்துவர்கள், செவிலியர்கள் தயார் நிலையில் வைக்கப்பட்டு உள்ளனர். மேலும் பொது மக்கள் அதிகம் கூடும் இடங்களில் சுத்தமாக பராமரிக்கவும் அறிவுறுத்தப்பட்டு உள்ளது. பொது மக்களுக்கு கைகழுவும் முறை குறித்தும் தொடர்ந்து விழிப்புணர்வு ஏற்படுத்தப்பட்டு வருகிறது.
கைக்குட்டையை பயன்படுத்த வேண்டும்
இதே போன்று விழிப்புணர்வு துண்டு பிரசுரங்களும் பள்ளிக்கல்லூரி மாணவர்கள் மற்றும் பொது மக்களுக்கு வழங்கப்பட்டு வருகிறது. கிராமப்புறங்கள், தனியார் மருத்துவமனைகள், அங்கன்வாடி மையங்கள் போன்ற அனைத்து இடங்களிலும் விழிப்புணர்வை ஏற்படுத்த நடவடிக்கை மேற்கொள்ளப்பட்டு உள்ளது. ஒருவர் இருமும் போதும் மற்றும் தும்மும் போதும் கைக்குட்டையை பயன்படுத்த வேண்டும். வெளிநாட்டில் இருந்து வருகை தந்து தொடர் மருத்துவ கண்காணிப்பில் உள்ளவர்கள் பொது இடங்களுக்கு செல்வதை தவர்க்க வேண்டும்.
பொது மக்கள் கொரோனா வைரஸ் குறித்து அச்சப்பட தேவையில்லை. அதே சமயம் விழிப்புணர்வுடன் இருக்க அறிவுறுத்தப்பட்டு உள்ளது. பொது மக்களிடையே கொரோனா வைரஸ் குறித்து சமூக வலைதளங்கள் மூலம் தவறான தகவல்களை பரப்புபவர்கள் மீது உரிய நடவடிக்கை மேற்கொள்ளப்படும் என்று கூறினார்.
கூட்டத்தில் மாவட்ட முதன்மை கல்வி அதிகாரி விஜயலட்சுமி, நகராட்சி ஆணையர் சுப்பிரமணியன் உள்பட அர சு அலுவலர்கள் பலர் கலந்து கொண்டனர்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.