தமிழக அரசு மேற்கொண்டு வரும் கொரோனா தடுப்பு நடவடிக்கைகளுக்கு பொதுமக்கள் முழு ஒத்துழைப்பு அளிக்கவேண்டும்.
பொது இடங்களில் முகக்கவசம் அணியாமல் வருபவர்களுக்கு ரூ.100 அபராதம் விதிக்க நடவடிக்கை எடுக்கப்பட்டுள்ளதாக புதுக்கோட்டை மாவட்ட கலெக்டர் பி.உமாமகேஸ்வர் தெரிவித்துள்ளார்.
புதுக்கோட்டை மாவட்ட ஆட்சியரகத்தில் கொரோனா தடுப்பு நடவடிக்கைகள் குறித்து அரசு அலுவலர்களுடனான ஆய்வுக் கூட்டம் நேற்று (17.06.2020) மாவட்ட கலெக்டர் பி.உமாமகேஸ்வரி தலைமையில் நடைபெற்றது.
பின்னர் மாவட்ட கலெக்டர் தெரிவித்ததாவது:- தமிழ்நாடு முதலமைச்சர் அறிவுறுத்தலுக்கிணங்க புதுக்கோட்டை மாவட்டத்தில் கொரோனா நோய் தடுப்பு நடவடிக்கைகள் அனைத்து அரசுத்துறைகளை ஒருங்கிணைத்து போர்கால அடிப்படையில் நடவடிக்கைகள் மேற்கொள்ளப்பட்டு வருகிறது. அந்த வகையில் மாவட்டம் முழுவதும் பொது இடங்களிலும், பொதுப்போக்குவரத்து பயன்பாட்டின்போதும் பயணிகள் வரும்பொழுதும் பொதுமக்கள் கண்டிப்பாக முகக்கவசம் அணிய வேண்டும் என தொடர்ந்து அறிவுறுத்தப்பட்டு வருகிறது.
இனி வரும் நாட்களில் பொதுமக்கள் முகக்கவசம் அணியாமல் வந்தால் அவர்களுக்கு ரூ.100 அபாரதம் விதிக்க அறிவுறுத்தப்பட்டுள்ளது. மறுமுறை இதே தவறை செய்யும் நபர்களின் மீது பொதுசுகாதார சட்டத்தின்கீழ் நடவடிக்கை எடுத்திட அறிவுறுத்தப்பட்டுள்ளது. குறிப்பாக புதுக்கோட்டை மாவட்ட எல்லைகளில் இதுவரை 10 சோதனை சாவடிகள் அமைக்கப்பட்டு கண்காணிக்கப்பட்டு வந்ததது.
தற்பொழுது 3 சோதனை சாவடிகள் கூடுதலாக அமைக்கப்பட்டு மொத்தம் 13 சோதனை சாவடிகளில் பயணிகள் வருகை கண்காணிக்கப்பட்டு வருகிறது. மேலும் முறையாக இ-பாஸ் அனுமதியில்லாமல் வரக்கூடிய நபர்கள் மற்றும் வாகனங்கள் மீது நடவடிக்கை எடுக்கவும் அறிவுறுத்தப்பட்டுள்ளது.
மேலும் சென்னையிலிருந்து திருச்சி வழியாக வரும் நபர்களுக்கும் ஒவ்வொரு சோதனை சாவடிகளிலும் துணை கலெக்டர் நிலையில் அலுவலர் வாகன தணிக்கையினை தீவிரமாக கண்காணிக்க நடவடிக்கை மேற்கொள்ளப்பட்டுள்ளது. இவ்வாறு மாவட்ட கலெக்டர் பி.உமாமகேஸ்வரி தெரிவித்தார்.
இந்த ஆய்வுக் கூட்டத்தின்போது மாவட்ட காவல் கண்காணிப்பாளர் பி.வி.அருண்சக்திகுமார், மாவட்ட வருவாய் அலுவலர் பெ.வே.சரவணன், மாவட்ட ஊரக வளர்ச்சி முகமை திட்ட இயக்குநர் எம்.காளிதாசன், ஊரக நலப்பணிகள் இணைஇயக்குநர் (பொ) மரு.மலர்விழி, பொதுசுகாதார துணை இயக்குநர்கள் மரு.அர்ஜுன்குமார், மரு.கலைவாணி, நகராட்சி ஆணையர் ஜீவாசுப்பிரமணியன் உள்ளிட்ட தொடர்புடைய அலுவலர்கள் கலந்து கொண்டனர்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.