கொரோனா தடுப்பு நடவடிக்கையாக ஊரடங்கு சில தளர்வுகளுடன் அமலில் உள்ள நிலையில் வெளி மாநிலங்கள் மற்றும் வெளி மாவட்டங்களில் இருந்து புதுக்கோட்டை மாவட்டத்திற்குள் வருபவர்கள் இ-பாஸ் பெற வேண்டும், அவ்வாறு பெறாமல் வருபவர்கள் மீது வழக்குப்பதிவு செய்து நடவடிக்கை எடுக்கப்படும் என கலெக்டர் உமாமகேஸ்வரி ஏற்கனவே அறிவித்திருந்தார்.
இந்த நிலையில் புதுக்கோட்டை சிப்காட் அருகே திருச்சி-புதுக்கோட்டை சாலையில் அந்த வழியாக வந்த வாகனங்களை கலெக்டர் உமாமகேஸ்வரி நேற்று ஆய்வு மேற்கொண்டார். அப்போது லாரி, கார் உள்ளிட்ட வாகனங்களில் வந்தவர்கள் முறையாக அனுமதி பெற்றுள்ளனரா? வாகனங்கள் அனுமதி பெறப்பட்டதா? என்பதை பார்வையிட்டார். மேலும் பஸ்சில் ஏறியும் சோதனை மேற்கொண்டனர்.
பின்னர் அவர் நிருபர்களிடம் கூறுகையில், “புதுக்கோட்டை மாவட்டத்தில் ஊரடங்கின் போது மேற்கொள்ளப்பட்ட வாகன சோதனையில் விதிகளை மீறியதாக 8,768 வழக்குகள் பதிவு செய்யப்பட்டு, 15,884 பேர் கைது செய்யப்பட்டு, 15,338 வாகனங்கள் பறிமுதல் செய்யப்பட்டுள்ளது. நோய் தொற்றை தடுக்கும் வகையில் தொடர்ச்சியாக இதுபோன்று வாகன சோதனை செய்து விதிகளை மீறுபவர்களின் மீது நடவடிக்கை எடுக்க உத்தரவிடப்பட்டுள்ளது” என்றார். இந்த ஆய்வின்போது வருவாய் கோட்டாட்சியர் தண்டாயுதபாணி, தாசில்தார் முருகப்பன் மற்றும் அதிகாரிகள் உடனிருந்தனர்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.