புதுக்கோட்டை மாவட்டத்தில் பிரதமரின் வீடு கட்டும் திட்டத்தில் முறைகேடா? வருவாய்த்துறை அதிகாரிகள் விசாரணை.!



புதுக்கோட்டை மாவட்டத்தில் விவசாயிகளுக்கு வழங்கப்படும் பிரதமரின் கிசான் நிதி உதவி திட்டத்தில் முறைகேடு நடந்தது பரபரப்பை ஏற்படுத்தியது. 

இந்த நிலையில் பிரதமரின் வீடு கட்டும் திட்டத்தில் முறைகேடு நடந்துள்ளதாக புகார் எழுந்தது. பயனாளிகள் சிலருக்கு வீடு கட்ட ஒதுக்கப்பட்டதில், கட்டிடம் கட்டாமலேயே கட்டி முடிக்கப்பட்டதாக ஆவணத்தில் குறிப்பிட்டு முறைகேட்டில் ஈடுபட்டிருப்பதாக பாதிக்கப்பட்டவர்கள் கடந்த 7-ந் தேதி கலெக்டர் அலுவலகத்தில் மனு அளித்திருந்தனர். 

இந்த நிலையில் புகார் அளித்தவர்கள் வசிக்கும் பகுதியான ஆவுடையார்கோவில் ஒன்றியத்தில் ஆலடிக்காடு பகுதியில் வருவாய்த்துறை அதிகாரிகள் நேரடி விசராணை நடத்தினர். தொடர்ந்து விசாரணை நடந்துவருவதாக கூறப்படுகிறது. இதற்கிடையில் அவர்களது கோரிக்கைகளை நிறைவேற்றவும் நடவடிக்கை எடுக்கப்படும் என வருவாய்த்துறையினர் உறுதி அளித்துள்ளனர்.


Post a comment

0 Comments