நாடு முழுவதும் ஏப்ரல் 1ம் தேதி முதல் 45 வயதிற்கு மேற்பட்ட அனைவருக்கும் கொரோனா தடுப்பூசி போடும் பணிகள் தொடங்க உள்ளதாக மத்திய அமைச்சர் பிரகாஷ் ஜவடேகர் தெரிவித்துள்ளார்.
கடந்த ஓராண்டுக்கும் மேலாக உலக நாடுகளிடையே கொரோனா வைரஸ் பெருந்தொற்று பரவல் நீடித்து வருகிறது.. வல்லரடு நாடுகள் தொடங்கி ஏறக்குறைய பல நாடுகளையும் பதம் பார்த்த தொற்று நோய் இன்னும் வீரியம் குறையாமல் பரவி வருகிறது. இந்தியாவில் இதன் அறிவிக்கப்படாத 2ம்சுகாத அலை தற்போது வேகமெடுத்து வருகிறது.
இதனிடையே உள்நாட்டிலேயே தயாரிக்கப்படும் கொரோனா தடுப்பூசி போடும் திட்டம் கடந்த ஜனவரி மாதம் தொடங்கியது. முதலில் நாடு முழுவதும் உள்ள சுகாதார பணியாளர்களுக்கு தடுப்பூசி போடும் பணிகள் கடந்த ஜனவரி 16ம் தேதி தொடங்கியது. இதனையடுத்து முன்கள பணியாளர்களுக்கும் விரிவுபடுத்தப்பட்டது.
இதனை தொடர்ந்து மார்ச் 1ம் தேதி முதல் 60 வயதுக்கு மேற்பட்டவர்களுக்கு கொரோனா தடுப்பூசி போடும் திட்டம் தொடங்கியது. அதே நேரத்தில் இணை நோய்க்கள் இருக்கும் 45 வயதிற்கு மேற்பட்டவர்களுக்கு கொரோனா தடுப்பூசி போடப்பட்டு வருகிறது.
இந்நிலையில் ஏப்ரல் 1ம் தேதி முதல் நாடு முழுவதும் 45 வயதிற்கு மேற்பட்ட அனைவருக்கும் கொரோனா தடுப்பூசி போடும் திட்டம் தொடங்கப்படுவதாக மத்திய அமைச்சர் பிரகாஷ் ஜவ்டேகர் தெரிவித்துள்ளார். இது தொடர்பாக அவர் கூறுகையில், “45 வயதிற்கு மேற்பட்ட அனைவருக்கும் கொரோனா தடுப்பூசி போடுவது என அமைச்சரவை கூட்டத்தில் முடிவெடுக்கப்பட்டுள்ளது. தகுதியுள்ள அனைவரும் உடனடியாக பதிவு செய்து கொண்டு தடுப்பூசி செலுத்திக்கொள்ள வேண்டும் என கேட்டுக்கொள்கிறேன். தடுப்பூசிகள் போதிய அளவுக்கு கையிருப்பு உள்ளது. எனவே தடுப்பூசி கையிருப்பு குறித்த அச்சம் தேவையற்றது” என்றார்.
கொரோனா தடுப்பூசி செலுத்தும் வயது தகுதி பெற்றிருப்பவர்கள் Co-Win செயலியில் பதிவு செய்து கொள்ள வேண்டும். முதல் டோஸ் போட்ட4 முதல் 6 வாரங்களுக்குள் அடுத்த டோஸ் தடுப்பூசி போட்டுக்கொள்ள வேண்டும்.
இந்தியாவில் பெருமளவு கொரோனா பாதிப்பு பதிவாகி வரும் நிலையில் கொரோனா தடுப்பூசி செலுத்தும் திட்டத்தை மத்திய அரசு துரிதப்படுத்தி வருகிறது. இதுவரை அதிக அளவாக நேற்று (மார்ச் 22) 32.53 லட்சம் டோஸ் தடுப்பூசி செலுத்தப்பட்டிருக்கிறது. இதுவரை மொத்தமாக 5 கோடி பேருக்கு தடுப்பூசி செலுத்தப்பட்டுள்ளது குறிப்பிடத்தக்கது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.