புதுக்கோட்டை அருகே கார் மீது லாரி மோதியதில் திருச்சி டாக்டரின் தாயும், தந்தையும் பலியானார்கள். இதில் 5 வயது சிறுவன் காயத்துடன் உயிர்தப்பினான்.
திருச்சி கே.கே.நகர், ஜான்சிநகரை சேர்ந்தவர் செல்வராஜ் (வயது 62). இவரது மனைவி சத்தியவாணிமுத்து (58). இவர்கள், பேரன் சூரியபிரகாஷ் (5) என்பவனை அழைத்துக்கொண்டு காரில் புதுக்கோட்டை மாவட்டம் அறந்தாங்கியில் நடந்த உறவினர் வீட்டு நிகழ்ச்சிக்கு சென்றனர். பின்னர் நேற்று மீண்டும் காரில் திருச்சிக்கு திரும்பி வந்து கொண்டிருந்தனர். கார் புதுக்கோட்டை அருகே நெடுஞ்சேரி என்ற இடத்தில் வந்தபோது, அந்த வழியாக கல் லோடு ஏற்றி வந்த டிப்பர் லாரி கார் மீது மோதியது.
மோதியவேகத்தில் காரின் முன்பகுதி அப்பளம்போல் நொறுங்கியது. இந்த விபத்தில் படுகாயம் அடைந்த செல்வராஜ், அவருடைய மனைவி சத்தியவாணிமுத்து ஆகியோர் சம்பவ இடத்திலேயே பரிதாபமாக இறந்தனர். சிறுவன் சூரியபிரகாஷ் அதிர்ஷ்டவசமாக காயத்துடன் உயிர்தப்பினான்.
விபத்து குறித்து தகவல் அறிந்த வெள்ளனூர் போலீசார் சம்பவ இடத்துக்கு விரைந்து சென்று சூரியபிரகாசை மீட்டு சிகிச்சைக்காக புதுக்கோட்டை அரசு மருத்துவ கல்லூரி மருத்துவமனைக்கு அனுப்பி வைத்தனர். இறந்தவர்களின் உடலை பிரேத பரிசோதனைக்காக அனுப்பி வைத்தனர்.
இந்த சம்பவம் தொடர்பாக வெள்ளனூர் போலீசார் வழக்குப்பதிவு செய்து லாரி டிரைவர் குணசேகரன் என்பவரை தேடி வருகின்றனர். விபத்தில் இறந்த செல்வராஜ்-சத்யவாணிமுத்து தம்பதியின் மகனும், மருகளும் திருச்சியில் டாக்டர்களாக உள்ளனர் என்பது குறிப்பிடத்தக்கது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.