தேர்தல் ஆணையம் அதிகாரப்பூர்வ அறிவிப்பு வெளியீடு: திமுக 159, அதிமுக 75 இடங்களில் வெற்றி




கடந்த ஏப்ரல் 6 ஆம் தேதி தமிழக சட்டமன்ற தேர்தல் நடந்து முடிந்தது. 234 தொகுதிகளுக்கும் ஒரேகட்டமாக தேர்தல் நடந்து முடிந்த நிலையில் நேற்று வாக்கு எண்ணிக்கை நடைபெற்றது. அதில் 159 தொகுதிகளில் திமுக கூட்டணி வெற்றி பெற்றுள்ளது. இதனைத்தொடர்ந்து வரும் 7 ஆம் தேதி தமிழக முதல் அமைச்சராக மு.க.ஸ்டாலின் பதவியேற்க உள்ளார். கொரோனா பரவல் காரணமாக ஆளுநர் மாளிகையில் எளிய முறையில் பதவியேற்பு விழா நடைபெறும் என கூறப்படுகிறது. 

சட்டமன்ற பெரும்பான்மைக்கு 118  தொகுதிகள் தேவை என்ற நிலையில் தற்போதைய நிலவரப்படி திமுக மட்டுமே 125 தொகுதிகளை கைப்பற்றி உள்ளது. 

இந்தநிலையில் தேர்தல் முடிவு தொடர்பாக ஆளுநருக்கு அறிக்கை சமர்பிக்கப்படும் என்று தமிழக தலைமை தேர்தல் அதிகாரி சத்யபிரதா சாகு தெரிவித்து இருந்தார்.

இந்நிலையில், அனைத்து தொகுதிகளுக்குமான அதிகாரப்பூர்வ அறிவிப்பை தேர்தல் ஆணையம் தற்போது வெளியிட்டுள்ளது.

இதில் திமுக கூட்டணி 159 தொகுதிகளிலும், அதிமுக கூட்டணி 75 தொகுதிகளிலும் வெற்றி பெற்றுள்ளது.

குறிப்பாக திமுக 133 தொகுதிகளிலும், அதன் கூட்டணிகளான காங்கிரஸ் 19, விடுதலை சிறுத்தைகள் கட்சி 4, மார்க்சிஸ்ட் கம்யூனிஸ்ட் கட்சி 2, இந்திய கம்யூனிஸ்ட் கட்சி 2 தொகுதிகளைக் கைப்பற்றியுள்ளன.

இதேபோன்று அதிமுக 66 தொகுதிகளிலும், பாஜக 4, பாமக 5 தொகுதிகளிலும் வெற்றி பெற்றுள்ளது.

தேர்தல் ஆணைய தகவல்களின்படி திமுக 37.70% வாக்குகளையும், அதிமுக 33.29% வாக்குகளையும் பெற்றுள்ளன.

அங்கீகரிக்கப்பட்ட பிற கட்சிகளின் வாக்கு விழுக்காடு விபரம்: காங்கிரஸ் 4.27%, பாமக 3.80%, பாஜக 2.62%, தேமுதிக 0.43%, சிபிஐ 1.09%, சிபிஎம் 0.85%, இந்திய யூனியன் முஸ்லீம் லீக் 0.48%.  வாக்குகளையும் பெற்றுள்ளன.

தமிழகத்தில் சட்டசபை தேர்தல் நடந்து முடிந்து நேற்று முன்தினம் எண்ணப்பட்டன. அதில் ஆளும் கட்சியான அ.தி.மு.க. தோல்வி அடைந்தது. எதிர்க்கட்சியான தி.மு.க. ஆட்சிக்கு வருகிறது.

இந்த தேர்தலில் போட்டியிட்ட ஒவ்வொரு கட்சியும் பெற்ற ஓட்டு விவரங்களை இந்திய தேர்தல் ஆணையம் தனது இணையதளத்தில் நேற்று வெளியிட்டது. அதில் கூறப்பட்டு இருப்பதாவது:-

கட்சிகள் பெற்ற இடங்கள்

தமிழகத்தில் 234 தொகுதிகளுக்கான முடிவுகள் வெளியிடப்பட்டுள்ளன. அ.தி.மு.க. 65 இடங்களில் வெற்றி பெற்றுள்ளது. தி.மு.க. 133 இடங்களில் (தி.மு.க.வின் உதயசூரியன் சின்னத்தில் போட்டியிட்டு ம.தி.மு.க. உள்ளிட்ட சில கட்சிகள் வெற்றி பெற்ற இடங்களும் சேர்த்து) வெற்றி பெற்றுள்ளது.

தி.மு.க. கூட்டணியில் இடம் பெற்றிருக்கும் காங்கிரஸ் 18 இடங்களிலும், இந்திய கம்யூனிஸ்டு கட்சி, மார்க்சிஸ்ட் கம்யூனிஸ்டு கட்சி தலா 2 இடங்களிலும், விடுதலை சிறுத்தைகள் கட்சி 4 இடங்களிலும் வெற்றி பெற்றன. அ.தி.மு.க. கூட்டணியில் இடம் பெற்றுள்ள பா.ஜ.க. 4 இடங்களிலும், பா.ம.க. 5 இடங்களிலும் வெற்றி பெற்றுள்ளன.

தி.மு.க. சதவீதம்

தேர்தல் கூட்டணியில் இடம் பெற்று போட்டியிட்ட இந்திய தேசிய முஸ்லீம் லீக், த.மா.கா., மக்கள் நீதி மய்யம், சமத்துவ மக்கள் கட்சி, தே.மு.தி.க., அ.ம.மு.க. உள்ளிட்ட கட்சிகள் எந்த இடத்திலும் வெற்றி பெறவில்லை.

இந்த தேர்தலில் கட்சிகள் பெற்ற ஓட்டு விவரங்களையும் அதன் சதவீதமும் வருமாறு:-

தமிழகத்தில் உள்ள 6.28 கோடி வாக்காளர்களில் இந்தத் தேர்தலில் 4.57 கோடி பேர் வாக்களித்தனர். இதில் தி.மு.க., ஒரு கோடியே 74 லட்சத்து 30 ஆயிரத்து 100 ஓட்டுகள் பெற்றுள்ளது. அதன்படி தி.மு.க. 37.70 சதவீதம் ஓட்டுகளை பெற்றுள்ளது.

மற்ற கட்சிகள்

அ.தி.மு.க. - 1 கோடியே 53 லட்சத்து 90 ஆயிரத்து 974 வாக்குகள் - 33.29 சதவீதம்.

பா.ம.க. - 17 லட்சத்து 58 ஆயிரத்து 774 ஓட்டுகள் - 3.80 சதவீதம்.

பா.ஜ.க. - 12 லட்சத்து 13 ஆயிரத்து 510 ஓட்டுகள் - 2.62 சதவீதம்.

இந்திய கம்யூனிஸ்டு கட்சி - 5 லட்சத்து 4 ஆயிரத்து 537 ஓட்டுகள்- 1.09 சதவீதம்.

மார்க்சிஸ்ட் கம்யூனிஸ்டு கட்சி - 3 லட்சத்து 90 ஆயிரத்து 819 ஓட்டுகள்-0.85 சதவீதம்.

தே.மு.தி.க. - 2 லட்சத்து 156 ஓட்டுகள் - 0.43 சதவீதம்.

காங்கிரஸ் - 19 லட்சத்து 76 ஆயிரத்து 527 ஓட்டுகள் - 4.3 சதவீதம்.

ஐ.யு.எம்.எல். - 2 லட்சத்து 22 ஆயிரத்து 263 ஓட்டுகள் - 0.48 சதவீதம்.

மற்ற கட்சிகள் - 66 லட்சத்து 84 ஆயிரத்து 174 ஓட்டுகள் - 14.5 சதவீதம்.

நோட்டா

இந்த தேர்தலில் எந்தக் கட்சிக்கும் வாக்களிக்கவில்லை என்ற நோட்டாவிற்கு 3 லட்சத்து 45 ஆயிரத்து 538 ஓட்டுகள் பதிவாகியுள்ளன. இது 0.75 சதவீதமாகும்.

இவ்வாறு அதில் கூறப்பட்டுள்ளது.

எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...



Post a comment

0 Comments