தமிழகத்தில் கரோனா தொற்றுப் பரவல் அதிகரித்ததை அடுத்து, கிருமி நாசினி, முகக்கவசம், பிபிஇ கிட், கையுறை உள்ளிட்டவற்றை வெளியில் அதிக அளவில் ஆளாளுக்கு விற்பதாக புகார் வந்துள்ளதால் இவற்றை அத்தியாவசியப் பொருட்களாக அறிவித்து, தமிழக அரசே விலையையும் நிர்ணயித்துள்ளது.
தமிழகத்தில் கரோனா முதல் அலை, அதைத் தொடர்ந்து இரண்டாவது அலை பரவல் காரணமாக லட்சக்கணக்கானோர் பாதிக்கப்பட்டதும், ஆயிரக்கணக்கானோர் உயிரிழந்ததும் நிகழ்ந்தது. இன்றும் தொற்று எண்ணிக்கை தினசரி 20,000 என்கிற அளவிலும், உயிரிழப்பு 350க்கு மேலாகவும் உள்ளது.
கரோனா பரவல் அதிகரித்ததும் பொதுமக்களிடையே முகக்கவசம், கிருமி நாசினி, கையுறை போன்ற பொருட்களின் பயன்பாடு அதிகரித்தது. இதைப் பயன்படுத்திக் கொண்ட வியாபாரிகள் சாதாரண முகக்கவசத்தை 10 ரூபாய்க்கும், என்.95 முகக்கவசத்தை 150 ரூபாய் வரையிலும், கிருமி நாசினியை 150 ரூபாய் வரையிலும் விற்பனை செய்தனர். பின்னர் அரசு தலையீட்டின் பேரில் விலைகள் கட்டுக்குள் வந்தன.
ஆனாலும், தற்போது வரை இவற்றுக்கு முறையான விலை இல்லை. தற்போதுள்ள நிலையில் தேவை, பயன்பாட்டைக் கருத்தில் கொண்டு விலையைக் கண்டபடி ஏற்றி விற்பது வாடிக்கையாக உள்ளது. இதுகுறித்து அரசின் கவனத்திற்குத் தொடர்ந்து புகார்கள் வந்தவண்ணம் இருந்ததால் தற்போது முகக்கவசம், கிருமி நாசினி, பிபிஇ கிட், கையுறை உள்ளிட்ட 15 பொருட்களுக்கு அரசே விலையையும் நிர்ணயித்துள்ளது.
இதுகுறித்து அரசாணை இன்று வெளியானது. அதில் தமிழக அரசு மருந்துக் கட்டுப்பாட்டுத் துறை மூலமாக 15 பொருட்கள் தமிழ்நாடு அத்தியாவசியப் பொருட்கள் சட்டத்தின் கீழ் கொண்டுவரப்பட்டுள்ளன. அதற்கான சில்லறை விலையும் நிர்ணயிக்கப்பட்டுள்ளது.
15 அத்தியாவசியப் பொருட்களின் விலை விவரம்:
1. N95 முகக்கவசம் ஒன்று - ரூ.22.00
2. கிருமிநாசினி 200 மி.லி.- ரூ.110.00
3. கையுறை பரிசோதிப்பது 1 செட் - ரூ.5.75
4. கையுறை (ஸ்டெரைல்) 1 செட்- ரூ.15.00
5. முகக்கவசம் (2 அடுக்கு) - ரூ.3.00
6. முகக்கவசம் (3 அடுக்கு) - ரூ.4.00
7. அறுவை சிகிச்சை முகக்கவசம் (பேப்ரிக் கோட்) - ரூ.4.50
8. ஒருமுறை பயன்படுத்தும் உடல் கவசம் - ரூ.12.00
9. அறுவை சிகிச்சை கவுன் - ரூ.65.00
10. மறு உருவாக்க முகக்கவசம் - ரூ.80.00
11. ஆக்சிஜன் முகக்கவசம் - ரூ.54.00
12. பல்ஸ் ஆக்சி மீட்டர் - ரூ.1500.00
13. ஃப்லோ மீட்டர் - ரூ.1520.00
14. முகத்தை மூடும் ஷீல்டு கவசம் - ரூ.21.00
15. பிபிஇ கிட் - ரூ.273.00
இவ்வாறு விலை நிர்ணயிக்கப்பட்டுள்ளது.
.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.