உலக சுற்றுலா தினத்தை முன்னிட்டு புதுக்கோட்டை மாவட்ட நிர்வாகம் சார்பில் மாவட்டத்தில் உள்ள சுற்றுலா தலங்களுக்கு மாற்றுத் திறனாளிகள் மாணவ மாணவிகள் மற்றும் பொதுமக்கள் ஆகியோர் அழைத்துச் செல்லப்பட்டனர். இதுகுறித்து மாவட்ட ஆட்சியர் கவிதா ராமு செய்தியாளர்களிடம் கூறுகையில்,புதுக்கோட்டை மாவட்டம் என்பது மிகவும் பழமையானது மட்டுமல்ல பல்வேறு சுற்றுலாத் தலங்கள், குடைவரைக் கோயில்கள் ஆகியவை நிறைந்த மாவட்டம் ஆகும்.
புதுக்கோட்டை மாவட்டத்தில் உள்ள உலகப் புகழ் பெற்ற சித்தன்னவாசல், குடுமியான்மலை, ஆவுடையார்கோவில், திருவேங்கைவாசல் உள்ளிட்ட பகுதிகளை பார்வையிடுவதற்கு ஆண்டுதோறும் பல்வேறு மாநிலங்களில் இருந்தும் சுற்றுலா பயணிகள் வந்து செல்வார்கள்.
இந்த நிலையில் உலக சுற்றுலா தினம் நாளை கொண்டாடப்படுவதை முன்னிட்டு புதுக்கோட்டை மாவட்ட நிர்வாகம் சார்பில் இந்த சுற்றுலாவிற்கு அழைத்துச் செல்லப்படுகிறது. இதில் மாற்றுத்திறனாளிகள் புதுக்கோட்டை மாவட்ட விளையாட்டு அரங்கில் பல்வேறு மாவட்டங்களிலிருந்து பயிற்சி பெற்றுவரும் வீரர் வீராங்கனைகள் மற்றும் பொது மக்கள் ஆகியோரை மூன்று குழுக்களாகப் பிரித்து மாவட்டத்திலுள்ள பல்வேறு சுற்றுலா மையங்களுக்கு குறிப்பாக குடுமியான்மலை, கொடும்பாளூர், சித்தன்னவாசல், திருவேங்கை வாசல், திருக்கோகர்ணம், நார்த்தாமலை, ஆவூர், திருமயம் கோட்டை, காட்டுபாவா பள்ளிவாசல், ஆவுடையார் கோவில் உள்ளிட்ட பல்வேறு பகுதிகளுக்கு நான்கு பேருந்துகளில் அழைத்துச் செல்லப்பட்டனர். காலை முதல் மாலை வரை அவர்கள் பல்வேறு இடங்களுக்குச் சென்று மாவட்டத்திலுள்ள பெருமைகளை அறியும் வகையில் இந்த ஏற்பாடு மாவட்ட நிர்வாகத்தால் செய்யப்பட்டுள்ளது.
பேருந்துகளில் பயணம் செய்யும் மாற்றுத்திறனாளிகள் விளையாட்டு வீரர்-வீராங்கனைகள் மற்றும் பொதுமக்களுக்கு மாவட்டத்தின் பெருமைகளை விளக்கும் வகையில் அவர்களுடன் தொல்லியல் துறையைச் சேர்ந்தவர்கள் மற்றும் தொல்லியல் ஆர்வலர்கள் உடன் சென்றனர்.
மாற்றுத்திறனாளிகள் வீரர்-வீராங்கனைகள் ஆகியோர் மகிழ்ச்சியுடன் சுற்றுலா பேருந்தில் பயணம் செல்கின்றனர். மாற்றுத் திறனாளிகளுக்கு என்று தனியாக பேருந்து வசதி செய்யப்பட்டு அவர்கள் அழைத்து செல்லப்பட்டனர் என்றார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.