புதுக்கோட்டை மாவட்டத்தில் கொரோனா தடுப்பூசி செலுத்தும் பணிகள் தொடர்பாக அனைத்துத்துறை அதிகாரிகள் மற்றும் வர்த்தக சங்க பிரதிநிதிகளுடன் கலந்தாய்வு கூட்டம் கலெக்டர் அலுவலகத்தில் நடைபெற்றது. கூட்டத்திற்கு கலெக்டர் கவிதாராமு தலைமை தாங்கி பேசியதாவது:-
புதுக்கோட்டை மாவட்டத்தில் தினமும் பல்வேறு இடங்களில் கொரோனா தடுப்பூசி முகாம்கள் நடத்தப்பட்டு வருகிறது. தடுப்பூசி முகாம் நடைபெறும் இடங்கள் குறித்த தகவல்கள் உள்ளாட்சி அமைப்பின் பிரதிநிதிகளுக்கு முன்கூட்டியே தெரிவிக்கப்படுகிறது.
எனவே தடுப்பூசி முகாம்களில் பொதுமக்கள் அதிக அளவில் கலந்து கொள்ளும் வகையில், ஆட்டோ விளம்பரம் செய்தல், தடுப்பூசியின் முக்கியத்துவம் குறித்து பொதுமக்களுக்கு எடுத்துரைத்தல், பொதுமக்களை அழைத்து வருதல் போன்ற பணிகளை உள்ளாட்சி அமைப்பின் பிரதிநிதிகள் மற்றும் அலுவலர்கள், பணியாளர்கள் தவறாது மேற்கொள்ள வேண்டும். இப்பணிகளை வட்டார வளர்ச்சி அலுவலர்கள் தொடர்ந்து கண்காணிக்க வேண்டும்.
வர்த்தக சங்கத்தினர் தங்களது கடைகள் மற்றும் நிறுவனங்களில் பணிபுரியும் பணியாளர்கள் அனைவருக்கும் தவறாது கொரோனா தடுப்பூசி செலுத்துவதை உறுதி செய்ய வேண்டும். தொழிற்சாலைகளில் பணிபுரியும் தொழிலாளர்கள் அனைவருக்கும் தவறாமல் தடுப்பூசி செலுத்துவதை உறுதி செய்ய வேண்டும்.
தடுப்பூசியின் முக்கியத்துவத்தை உணர்ந்து பொதுமக்களும் தாமாக முன்வந்து கொரோனா தடுப்பூசி செலுத்திக்கொள்ள வேண்டும். தடுப்பூசி முகாம் நடைபெறும் பகுதிகளில் முகாமை சிறப்பான முறையில் நடத்திடும் வகையில் பொது சுகாதாரத்துறை, ஊரக வளர்ச்சித்துறை, வருவாய்த்துறை உள்ளிட்ட பல்வேறு துறை அலுவலர்கள் ஒருங்கிணைந்து செயல்பட வேண்டும்.
மாவட்டத்தில் ஏற்கனவே பல்வேறு ஊராட்சிகளில் பொதுமக்களுக்கு 100 சதவீதம் கொரோனா தடுப்பூசி செலுத்தப்பட்டுள்ளது. இதேபோன்று மற்ற ஊராட்சிகளிலும் பொதுமக்களுக்கு முழுமையாக கொரோனா தடுப்பூசி செலுத்தி புதுக்கோட்டை மாவட்டத்தில் பொதுமக்களுக்கு 100 சதவீதம் தடுப்பூசி செலுத்தும் வகையில் சம்பந்தப்பட்ட அலுவலர்கள் மற்றும் உள்ளாட்சி அமைப்பின் பிரதிநிதிகள் செயல்பட வேண்டும்.இவ்வாறு அவர் பேசினார்.
கூட்டத்தில் மாவட்ட வருவாய் அலுவலர் சரவணன், மாவட்ட ஊரக வளர்ச்சி முகமை திட்ட இயக்குனர் கருப்பசாமி, வருவாய் கோட்டாட்சியர்கள் அபிநயா, தண்டாயுதபாணி, சொர்ணராஜ், அரசு மருத்துவக்கல்லூரி முதல்வர் பூவதி, இணை இயக்குனர் (ஊரக நலப்பணிகள்) ராமு, துணை இயக்குனர்கள் (சுகாதாரப் பணிகள்) அர்ஜுன்குமார், கலைவாணி, நகராட்சி ஆணையர்கள் நாகராஜன், திருச்செல்வம் மற்றும் அலுவலர்கள் கலந்து கொண்டனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.