ஓட்டுப்பதிவு முடிவடைந்த பின் மின்னணு வாக்குப்பதிவு எந்திரத்திற்கு வேட்பாளர்களின் முகவர்கள் முன்னிலையில் ‘சீல்’ வைக்கப்பட்ட போது எடுத்த படம். (இடம்:- புதுக்கோட்டை சாந்தநாதபுரம்.)
புதுக்கோட்டை மாவட்டத்தில் புதுக்கோட்டை, அறந்தாங்கி ஆகிய நகராட்சிகள் மற்றும் 8 பேரூராட்சிகளில் வார்டு கவுன்சிலர்கள் பதவிக்கான நகர்ப்புற உள்ளாட்சி தேர்தல் வாக்குப்பதிவு நேற்று நடைபெற்றது. காலை 7 மணி முதல் மாலை 5 மணி வரை வாக்குப்பதிவு நடைபெற்றது. மாலை 5 மணிக்கு மேல் 6 மணி வரை கொரோனா நோயாளிகள் வாக்களிக்க வசதி செய்யப்பட்டிருந்தது. வாக்குப்பதிவு முடிவடைந்ததும் மின்னணு வாக்குப்பதிவு எந்திரங்கள் அனைத்தும் வேட்பாளர்களின் முகவர்களின் முன்னிலையில் ‘சீல்’ வைக்கப்பட்டன. பின் அவை பலத்த போலீஸ் பாதுகாப்புடன் வாக்கு எண்ணும் மையத்திற்கு அனுப்பி வைக்கப்பட்டது. புதுக்கோட்டையில் அரசு மகளிர் கலைக்கல்லூரியில் அமைக்கப்பட்டிருந்த வாக்கு எண்ணும் மையத்தில் புதுக்கோட்டை நகராட்சியில் வாக்குச்சாவடிகளில் பயன்படுத்தப்பட்ட மின்னணு வாக்குப்பதிவு எந்திரங்கள் அனுப்பி வைக்கப்பட்டன. இதேபோல 8 பேரூராட்சிகளிலும் இருந்தும் மின்னணு வாக்குப்பதிவு எந்திரங்கள் வந்தன.
பேரூராட்சிகளில் அதிகம்
அறந்தாங்கி நகராட்சியில் வாக்குச்சாவடிகளில் வாக்குகள் பதிவான மின்னணு வாக்குப்பதிவு எந்திரங்கள் அறந்தாங்கி அரசு பாலிடெக்னிக் கல்லூரிக்கு கொண்டு செல்லப்பட்டன. இந்த நிலையில் வாக்குப்பதிவு நேற்று நடைபெற்ற போது ஒவ்வொரு 2 மணி நேரத்திற்கு ஒரு முறை வாக்குப்பதிவு சதவீதம் வெளியிடப்பட்டன. இதில் நகராட்சிகளை விட பேரூராட்சிகளில் அதிகம் வாக்குப்பதிவு சதவீதம் காணப்பட்டது. புதுக்கோட்டை நகராட்சியில் நேற்று மாலை 5 மணி நேர நிலவரப்படி 63.76 சதவீதம் வாக்குகள் பதிவாகி இருந்தது. அறந்தாங்கி நகராட்சியில் 69.47 சதவீதம் வாக்குகள் பதிவானது. 8 பேரூராட்சிகளில் 76.67 சதவீதம் வாக்குகள் பதிவாகி இருந்தது.
69.61 சதவீதம் வாக்குப்பதிவு
இந்தநிலையில் மாலை 6 மணிக்கு வாக்குப்பதிவு முடிவடைந்த பின் வாக்குப்பதிவு சதவீதம் வெளியிடப்பட்டது. இதில் புதுக்கோட்டை நகராட்சியில் மொத்தம் 1 லட்சத்து 27 ஆயிரத்து 533 வாக்காளர்களில் 82 ஆயிரத்து 976 பேர் வாக்களித்திருந்தனர். வாக்குப்பதிவு 65.06 சதவீதமாகும். மாவட்டத்தில் 2 நகராட்சிகள் மற்றும் 8 பேரூராட்சிகள் சேர்த்து மொத்தம் 2 லட்சத்து 40 ஆயிரத்து 407 வாக்காளர்களில் 1 லட்சத்து 67 ஆயிரத்து 358 பேர் வாக்களித்தனர். இதன்மூலம் மாவட்டத்தில் மொத்த வாக்குப்பதிவு 69.61 சதவீதமாகும். மாவட்டத்தில் பதிவான வாக்குகள் நாளை மறுநாள் (செவ்வாய்க்கிழமை) எண்ணப்படுகின்றன.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.